'സൂപ്പർമാൻ' സംവിധായകൻ- വിഖ്യാത ചലച്ചിത്രകാരൻ റിച്ചാർഡ് ഡോണർ അന്തരിച്ചു

ലോസ് ആഞ്ജലസ്‌: വിഖ്യാത ഹോളിവുഡ് സംവിധായകൻ റിച്ചാർഡ് ഡോണർ (91) അന്തരിച്ചു. സൂപ്പർമാൻ എന്ന സിനിമയിലൂടെ ലോകമെമ്പാടും ആരാധകരെ സ്വന്തമാക്കിയ സംവിധായകനാണ് റിച്ചാർഡ് ഡോണർ. 

വാർദ്ധക്യ സഹജമായ അസുഖങ്ങളെ തുടർന്നാണ് മരണം. റിച്ചാർഡ് ഡോണറിന്റെ ഭാര്യ ലോറെൻ ഷ്യൂലർ ആണ് മരണ വാർത്ത പുറത്തുവിട്ടത്. 

60കളിൽ ടെലിവിഷൻ ഷോകളിലൂടെയാണ് റിച്ചാർഡ് ഡോണർ സംവിധാന രംഗത്തെത്തുന്നത്. 1961ൽ പുറത്തിറങ്ങിയ എക്സ്- 15 എന്ന ചിത്രത്തിലൂടെ സംവിധായകനായി അരങ്ങേറി. 1976ൽ പുറത്തിറങ്ങിയ ദ ഒമെൻ എന്ന ചിത്രമാണ് റിച്ചാർഡിന് ആദ്യ ബ്രേക്ക് സമ്മാനിച്ചത്. 

1978ൽ സൂപ്പർമാൻ എന്ന സിനിമ സംവിധാനം ചെയ്‍തതോടെ റിച്ചാർഡിന് ആ​ഗോള പ്രശസ്തി ലഭിച്ചു.  2006ൽ പുറത്തിറങ്ങിയ 16 ബ്ലോക്‌സ് ആണ് അവസാനമായി സംവിധാനം ചെയ്ത സിനിമ. അക്കാദമി ഓഫ് സയൻസ് ഫിക്ഷൻ അടക്കം നിരവധി പുരസ്ക്കാരങ്ങൾ റിച്ചാർഡ് ഡോണറിനെ തേടിയെത്തി.