ഒരു കാറിനുള്ളില്‍ ഒറ്റ ഷോട്ടിൽ; 'സന്തോഷത്തിന്‍റെ ഒന്നാം രഹസ്യം' ഒടിടി റിലീസിന് 

റിമ കല്ലിങ്കലും ജിതിന്‍ പുത്തഞ്ചേരിയും അഭിനയിച്ച ഡോണ്‍ പാലത്തറയുടെ 'സന്തോഷത്തിന്‍റെ ഒന്നാം രഹസ്യം' ഒടിടി റിലീസിന്. ഒറ്റ ഷോട്ടിൽ ഒരു കാറിനുള്ളില്‍ ചിത്രീകരിച്ച സിനിമ നീസ്ട്രീം, കേവ്, മെയിന്‍സ്ട്രീം ടിവി, റൂട്ട്സ്, സൈന പ്ലേ, കൂടെ തുടങ്ങിയ ഒടിടി പ്ലാറ്റ്ഫോമുകളിലൂടെ ബുധനാഴ്ചയാണ് ചിത്രത്തിന്‍റെ പ്രീമിയര്‍. 

രണ്ട് കഥാപാത്രങ്ങള്‍ക്കിടയില്‍ നടക്കുന്ന സംഭാഷണങ്ങളിലൂടെ പുരോഗമിക്കുന്ന റിലേഷന്‍ഷിപ്പ് ഡ്രാമയാണ് ചിത്രം. ഐഎഫ്എഫ്കെ പ്രീമിയറിൽ പ്രദർശിപ്പിച്ച ചിത്രം സിനിമാപ്രേമികള്‍ക്കിടയില്‍ ഏറെ ചർച്ചയായിരുന്നു. ഈ വര്‍ഷത്തെ മോസ്കോ അന്തര്‍ദേശീയ ചലച്ചിത്രോത്സവത്തിലെ മത്സരവിഭാഗത്തിലേക്ക് ചിത്രം തിരഞ്ഞെടുക്കപ്പെട്ടിരുന്നു. റിമ കല്ലിങ്കലും ജിതിന്‍ പുത്തഞ്ചേരിയുമാണ് ചിത്രത്തിലെ മരിയ, ജിതിന്‍ എന്നീ കഥാപാത്രങ്ങളായി എത്തുന്നത്. നീരജ രാജേന്ദ്രനും ഒരു കഥാപാത്രത്തെ അവതരിപ്പിച്ചിട്ടുണ്ട്.