ലാഹോറിലെ ചുവന്ന തെരുവിലെ സ്ത്രീകളെക്കുറിച്ച്, 'ഹീരാമാണ്ടി'; വെബ്‌സീരീസുമായി സഞ്ജയ് ലീല ബന്‍സാലി 

'ഹീരാമാണ്ടി' എന്ന വെബ്‌സീരീസുമായി ഡിജിറ്റല്‍ അരങ്ങേറ്റം കുറിക്കാന്‍ ഒരുങ്ങുകയാണ് സഞ്ജയ് ലീല ബന്‍സാലി. സീരീസ് നെറ്റ്ഫ്‌ലിക്‌സില്‍ റിലീസ് ചെയ്യും. ഇന്ത്യ സ്വാതന്ത്യം നേടുന്നതിന് മുമ്പുള്ള ലാഹോറിന്റെ പശ്ചാതലത്തിലാണ് സീരീസ് ഒരുങ്ങുന്നത്. ഹീരാമാണ്ടി എന്ന സ്ഥലത്തെ സ്ത്രീകളുടെ കഥയാണ് പ്രമേയം. 

ലാഹോറിലെ 'റെഡ് ലൈറ്റ് ഏരിയ' എന്നാണ് ഹീരാ മാണ്ടി അറിയപ്പെടുന്നത്. സീരീസിനെക്കുറിച്ച് നെറ്റ്ഫ്‌ലിക്‌സ് ട്വിറ്ററിലൂടെ പ്രഖ്യാപിച്ചു. സഞ്ജയ് ലീല ബന്‍സാലിക്കൊപ്പം പ്രവര്‍ത്തിക്കുന്നതിലെ ആകാഷയാണ് ട്വീറ്റില്‍ പങ്കുവച്ചിരിക്കുന്നത്. 

14 വര്‍ഷമായി തന്റെ മനസ്സിലുള്ള കഥയാണെന്നാണ് ഹീരാമാണ്ടിയെക്കുറിച്ച് സഞ്ജയ് പറയുന്നത്. അതേസമയം സീരീസിലെ അഭിനേതാക്കളെ കുറിച്ചുള്ള വിവരങ്ങള്‍ പങ്കുവച്ചിട്ടില്ല.