ഏറെ പുതുമകളോടെ നടക്കുന്ന ബിഗ്‌ബോസ് ഒടിടി ഹിന്ദി പതിപ്പ് ഫിനാലെയിലേക്ക് അടുത്തിരിക്കുകയാണ്. ഓഗസ്റ്റ് എട്ടിന് തുടങ്ങിയ ഷോ ഇപ്പോള്‍ അഞ്ച് ഫൈനലിസ്റ്റുകളിലേക്ക് ചുരുങ്ങിയിരിക്കുകയാണ്. ഇവരിലൊരാളാണ് നടിയും ശില്‍പ ഷെട്ടിയുടെ സഹോദരിയുമായ ഷമിത ഷെട്ടി. ഇപ്പോഴിതാ അനിയത്തിയെക്കുറിച്ചോര്‍ത്ത് ഏറെ അഭിമാനിക്കുന്നെന്ന് പറയുകയാണ് ശില്‍പ.
ബിഗ് ബോസിലെ ഷമിതയുടെ പ്രകടനങ്ങള്‍ കോര്‍ത്തിണക്കിയുള്ള വിഡിയോ പങ്കുവച്ചാണ് ശില്‍പയുടെ കുറിപ്പ്. തനിക്ക് ഷമിത ഇപ്പോള്‍ തന്നെ വിജയിയാണെന്നാണ് ശില്‍പ പറയുന്നത്. ബിഗ് ബോസ് ഷോയിലുടനീളം ഷമിത പുലര്‍ത്തിയ വിശ്വാസിയതയും മാന്യതയും തന്റെ മനസ്സ് നിറച്ചെന്നും എല്ലാവരും ചേര്‍ന്ന് സഹോദരിയെ വിജയിയാക്കുമെന്ന് പ്രതീക്ഷിക്കുന്നതായും ശില്‍പ കുറിച്ചു.
ഇന്ന് വൈകിട്ടാണ് ബിഗ് ബോസ് ഫിനാലെ നടക്കുന്നത്. ഷമിതയ്ക്ക് പുറമെ ദിവ്യ അഗര്‍വാള്‍, രാകേഷ് ബാപ്ത്, പ്രതിക് സെഹ്ജ്പാല്‍, നിഷാന്ത് ഭട്ട് എന്നിവരാണ് ഫിനാലെയില്‍ എത്തിയിട്ടുള്ളത്. ബിഗ് ബോസ് ഒടിടി അവസാനിച്ചാല്‍ ഉടന്‍ ബിഗ് ബോസ് 15 ടിവിയില്‍ തുടങ്ങുമെന്നാണ് അണിയറപ്രവര്‍ത്തകര്‍ അറിയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
