2009ൽ പുറത്തിറങ്ങിയ 'ബ്ലൂ' എന്ന ചിത്രത്തിൽ എആർ റഹ്‌മാൻ ചെയ്‌ത 'ചിഗ്ഗി വിഗ്ഗി' എന്ന ഗാനത്തിനെതിരെ തുറന്ന വിമർശനവുമായി സോനു നിഗം. എആർ റഹ്‌മാനെ പോലെ ഒരാൾക്ക് എങ്ങനെയാണ് ഇത്രയും മോശം ഗാനം സൃഷ്ടിക്കാൻ സാധിച്ചത് എന്നോർത്ത് അത്ഭുതം തോന്നുന്നു എന്ന് അദ്ദേഹം പറഞ്ഞു. അക്ഷയ്‌ കുമാർ, സഞ്ജയ് ദത്ത്, കത്രീന കൈഫ്, ലാറ ദത്ത് എന്നിവർ കേന്ദ്ര കഥാപാത്രങ്ങളായി എത്തിയ ചിത്രത്തിലെ ഗാനങ്ങളെല്ലാം ഹിറ്റായിരുന്നു.
എന്നാൽ തനിക്ക് ഒട്ടും ഇഷ്‌ടമല്ലാത്ത പാട്ടാണ് ചിത്രത്തിലെ ചിഗ്ഗി വിഗ്ഗി' എന്ന ഗാനമെന്നും സോനു നിഗം ഒരു അഭിമുഖത്തിൽ പറഞ്ഞു. സോനു നിഗവും ഓസ്ട്രേലിയൻ ഗായിക കൈലി മിനോഗും ചേർന്നാണ് ചിത്രത്തിൽ ഗാനം ആലപിച്ചിരിക്കുന്നത്. അദ്ദേഹം സംവിധാനം ചെയ്‌ത ഗാനം പാടാൻ സാധിച്ചതിൽ സന്തോഷമുണ്ട്. എന്നാൽ ഗാനം കുറച്ചു കൂടി നന്നാക്കാമായിരുന്നു.
കൈലിയുടെ ശബ്ദത്തെ റഹ്‌മാൻ വേണ്ട വിധത്തിൽ വിനിയോഗിച്ചതായി തോന്നിയില്ല. കൈലിയുടെ നിലവാരത്തിനനുസരിച്ച് കുറേക്കൂടെ നല്ല പാട്ട് സൃഷ്ടിക്കാമായിരുന്നു റഹ്മാന്. 'ചിഗ്ഗി വിഗ്ഗി' വേദികളിൽ പാടുമ്പോഴൊക്കെ വീണ്ടും വീണ്ടും നന്നാക്കാൻ ഞാൻ ശ്രമിക്കാറുണ്ട്’, സോനു നിഗം പറഞ്ഞു. സോനുവിന്റെ വാക്കുകൾ ഏറ്റെടുത്തിരിക്കുകയാണ് ഇപ്പോൾ സോഷ്യൽമീഡിയ. ഗായകന്റെ അഭിപ്രായത്തെ എതിർത്തും അനുകൂലിച്ചും നിരവധി ആളുകൾ രംഗത്തെത്തിയത്. 'ചിഗ്ഗി വിഗ്ഗി' എന്ന ഗാനത്തിലൂടെ കൈലി മിനോഗ് ഇന്ത്യൻ സിനിമാപ്രേമികൾക്കിടയിൽ വലിയ തരംഗമായിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
