'കുഞ്ഞു ട്രാൻ വരുന്നു'; അമ്മയാകാൻ ഒരുങ്ങി സ്ലംഡോഗ് മില്ല്യണയർ നടി 

​ഗർഭിണിയാണെന്ന സന്തോഷം ആരാധകരുമായി പങ്കുവച്ച്‌ സ്ലംഡോഗ് മില്ല്യണയർ താരം ഫ്രിദ പിന്റോ. 'കുഞ്ഞു ട്രാൻ വരുന്നു', എന്നുകുറിച്ച് ഭാവിവരൻ കോറി ട്രാനൊപ്പമുള്ള ചിത്രത്തോടൊപ്പമാണ് ഫ്രിദ സന്തോഷം ആരാധകരെ അറിയിച്ചത്. 

മുംബൈയിൽ ജനിച്ചുവളർന്ന ഫ്രിദ മാംഗളൂരു സ്വദേശിയാണ്. മോഡലിങ്ങിൽ നിന്ന് അഭിനയത്തിലേക്കെത്തിയ നടിയുടെ തുടക്കം പരസ്യചിത്രങ്ങളിലായിരുന്നു. സ്ലംഡോഡ് മില്ല്യണയറിന്റെ ഓഡിഷനിൽ വിജയിച്ചാണ് 2007ൽ ഫ്രിദ ചിത്രത്തിന്റെ ഭാ​ഗമായത്. റൈസ് ഓഫ് ദ പ്ലാനറ്റ് ഓഫ് ഏപ്‌സ്, ഡേ ഓഫ് ഫാൽക്കൺ, ഡെസേർട്ട് ഡാൻസർ എന്നിങ്ങനെ നിരവധി ചിത്രങ്ങൾ ശ്രദ്ധേയ വേഷങ്ങൾ അവതരിപ്പിച്ചു.