വീണ്ടും കളിക്കാൻ റെഡിയാണോ ? സ്ക്വിഡ് ഗെയിം സീസൺ 2 വരുന്നു; ടീസർ

സ്ക്വിഡ് ഗെയിം ആരാധകർക്ക് ഒരു സന്തോഷ വാർത്തയെത്തിയിരിക്കുകയാണ്. സ്ക്വിഡ് ഗെയിമിന്റെ രണ്ടാം സീസൺ ഡിസംബറിലെത്തുമെന്നാണ് ഏറ്റവും പുതിയ വിവരം. ചിത്രത്തിന്റെ ടീസറിനൊപ്പമാണ് റിലീസ് തീയതിയും അണിയറപ്രവർത്തകർ പുറത്തുവിട്ടിരിക്കുന്നത്. ഡിസംബർ 26 മുതൽ നെറ്റ്‌ഫ്ലിക്സിലൂടെ രണ്ടാം സീസൺ സ്ട്രീം ചെയ്യും.

ആദ്യ സീസൺ പുറത്തിറങ്ങി മൂന്ന് വർഷത്തിന് ശേഷമാണ് രണ്ടാം സീസൺ വരുന്നത്. 2021ലായിരുന്നു ആദ്യ സീസൺ പുറത്തിറങ്ങിയത്. 'മൂന്നു വർഷമായി. നിങ്ങൾക്ക് വീണ്ടും കളിക്കണോ ? ശരിക്കുള്ള കളി തുടങ്ങുന്നു' എന്നാണ് ടീസറിനൊപ്പം കുറിച്ചിരിക്കുന്നത്. ഒപ്പം മൂന്നാം സീസണോടെ സീരിസ് അവസാനിപ്പിക്കുമെന്നും നെറ്റ്ഫ്ലിക്സ് അറിയിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

2025ലായിരിക്കും സീരിസിന്റെ മൂന്നാം സീസൺ പുറത്തിറങ്ങുക. കൊറിയൻ സർവൈവൽ ഡ്രാമ വിഭാഗത്തിലുള്ളതായിരുന്നു സീരിസ്. 456 പേർ തങ്ങളുടെ ജീവിതം കരുപ്പിടിപ്പിക്കാൻ ജീവൻ പണയം വച്ച് സാഹസികമായ ഒരു ഗെയിമിൽ ഏർപ്പെടുന്നതായിരുന്നു പ്രമേയം. ഹ്വാങ് ഡോങ്-യുക് ആണ് സീരിസിന്റെ നിർമാണവും രചനയും സംവിധാനവും നിർവഹിച്ചത്.