പച്ചയായ ജാഡ, പുച്ഛമാണ് പോടാ...; സ്റ്റേജിൽ പാട്ടിനിടെ തെറി വിളിയുമായി ശ്രീനാഥ് ഭാസി

ആവേശം സിനിമയിലെ മോനേ ജാഡ, പച്ചയായ ജാഡ എന്ന പാട്ട് സ്റ്റേജിൽ പാടുന്നതിനിടെ തെറി വിളിച്ച് നടൻ ശ്രീനാഥ് ഭാസി. വിനായക് ശശികുമാറിന്റെ വരികൾക്ക് സുഷിൻ ശ്യാം സം​ഗീതമൊരുക്കി ശ്രീനാഥ് ഭാസിയാണ് സിനിമയിൽ ​ഗാനമാലപിച്ചിരിക്കുന്നത്. സ്റ്റേജിൽ പാടുന്നതിനിടെ തെറി വിളിക്കുന്ന താരത്തിന്റെ വീഡിയോ പുറത്തുവന്നിട്ടുണ്ട്.

പാട്ടിനിടയിൽ ശ്രീനാഥ് തെറിവിളിക്കുന്നതും അത് കേട്ട് കാണികൾ കൈയ്യടിക്കുന്നതും വീഡിയോയിൽ കാണാം. എന്നാൽ ശ്രീനാഥ് ഭാസി പരിപാടി അവതരിപ്പിച്ച വേദിയേതാണെന്ന വിവരം വ്യക്തമല്ല. ട്രോൾ പേജുകളിലടക്കം വീഡിയോ വൈറലാണിപ്പോൾ.

അതേസമയം ശ്രീനാഥ് ഭാസി സംഭവത്തിൽ ഇതുവരെ പ്രതികരണമൊന്നും നടത്തിയിട്ടില്ല. താരത്തെ വിമർശിച്ചും പരിഹസിച്ചും നിരവധി പേരാണ് രം​ഗത്തെത്തിയിരിക്കുന്നത്. ഇതിന് മുൻപ് ഒരു സിനിമയുടെ പ്രൊമോഷന്റെ ഭാ​ഗമായി സംഘടിപ്പിച്ച അഭിമുഖത്തിൽ ശ്രീനാഥ് ഭാസി അവതാരകരേയും അസഭ്യം പറഞ്ഞിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

അന്ന് താരത്തിനെതിരെ പൊലീസ് കേസ് രജിസ്റ്റർ ചെയ്യുകയും ചെയ്തു. ജിത്തു മാധവൻ സംവിധാനം ചെയ്ത ആവേശം പ്രേക്ഷകർക്കിടയിൽ ഇപ്പോഴും തരം​ഗമാണ്. മോനേ ജാഡ എന്ന പാട്ട് ട്രെൻഡിങ്ങിൽ എത്തുകയും ചെയ്തിരുന്നു. മഞ്ഞുമ്മൽ ബോയ്സ് ആണ് ശ്രീനാഥ് ഭാസിയുടേതായി ഒടുവിൽ പ്രേക്ഷകരിലേക്കെത്തിയ ചിത്രം.