ഭാവ്നിക്കും മാധവിനുമൊപ്പം പ്രധാനമന്ത്രിയെ കണ്ട് സുരേഷ് ​ഗോപി; ചിത്രങ്ങൾ പങ്കുവച്ച് താരം

മക്കൾക്കൊപ്പം പ്രധാനമന്ത്രി നരേന്ദ്ര മോദിയെ സന്ദർശിച്ച് നടൻ സുരേഷ് ​ഗോപി. തൃശൂരിൽ മഹിളാമോർച്ച സംഘടിപ്പിച്ച സ്ത്രീസം​ഗമത്തിൽ പങ്കെടുക്കാനെത്തിയപ്പോഴാണ് സുരേഷ് ​ഗോപിയും മക്കളും പ്രധാനമന്ത്രിയെ കാണാനെത്തിയത്. ഇളയ മക്കളായ ഭാവ്നി, മാധവ് എന്നിവർക്കൊപ്പമായിരുന്നു സന്ദർശനം. സോഷ്യൽ മീഡിയയിലൂടെ സുരേഷ് ​ഗോപി തന്നെയാണ് പ്രധാനമന്ത്രിക്കും മക്കൾക്കുമൊപ്പമുള്ള ചിത്രം പങ്കുവച്ചത്. 

കഴിഞ്ഞ ദിവസമായിരുന്നു ബിജെപി സംഘടിപ്പിച്ച മഹിളാമോർച്ച സമ്മേളനത്തിന് മോദി എത്തിയത്. മോദിയുടെ റോഡ് ഷോയിൽ സുരേഷ് ​ഗോപിയും പങ്കെടുത്തിരുന്നു. വരാനിരിക്കുന്ന ലോകസഭാ തെരഞ്ഞെടുപ്പിൽ തൃശൂരിൽ സുരേഷ് ​ഗോപി ബിജെപി സ്ഥാനാർത്ഥിയാവും എന്നാണ് പ്രതീക്ഷിക്കുന്നത്. ബിജെപി ഏറെ പ്രതീക്ഷ വയ്ക്കുന്ന മണ്ഡലമാണ് ഇത്. 

നേരത്തേ മൂത്ത മകൾ ഭാഗ്യ സുരേഷിന്റെ വിവാഹം ക്ഷണിക്കാൻ സുരേഷ് ഗോപി പ്രധാനമന്ത്രിയെ സന്ദർശിച്ചിരുന്നു. ഭാര്യ രാധികയ്ക്കും മകൾ ഭാഗ്യയ്ക്കുമൊപ്പം ഡൽഹിയിലെത്തിയാണ് ക്ഷണക്കത്ത് നൽകിയത്. താമര രൂപത്തിലുള്ള ഒരു ആറന്മുളക്കണ്ണാടിയും സുരേഷ് ഗോപിയുടെ കുടുംബം പ്രധാനമന്ത്രിക്കു സമ്മാനിച്ചിരുന്നു.ജനുവരി 17ന് ഗുരുവായൂരിൽ വച്ചാണ് ഭാഗ്യ സുരേഷിന്റെ വിവാഹം. 

ഈ വാര്‍ത്ത കൂടി വായിക്കൂ 

'അമ്പും വില്ലും വാളുമേന്തി പടനായകന് പിന്നിൽ'; മലൈക്കോട്ടൈ വാലിബൻ പുതിയ പോസ്റ്റർ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ