'അവിശ്വസനീയമായ പ്രഭാവലയം': മോദിയെ കണ്ട അനുഭവം പങ്കുവച്ച് മാധവ് സുരേഷ്

കഴിഞ്ഞ ദിവസം കേരളത്തിലെത്തിയ പ്രധാനമന്ത്രി നരേന്ദ്ര മോദിയെ കാണാൻ സുരേഷ് ​ഗോപിയുടെ മക്കളും എത്തിയിരുന്നു. ഇളയ മക്കളായ ഭാവ്നിയും മാധവുമാണ് മോദിയെ കാണാനായി എത്തിയത്. മക്കൾ മോദിക്കൊപ്പം നിൽക്കുന്ന ചിത്രങ്ങൾ സുരേഷ് ​ഗോപി സോഷ്യൽ മീഡിയയിൽ പോസ്റ്റ് ചെയ്തിരുന്നു. ഇപ്പോൾ മോദിയെ നേരിട്ട് കണ്ട അനുഭവം പങ്കുവച്ചിരിക്കുകയാണ് മാധവ്. 

ഇത്തരമൊരു അവിശ്വസനീയമായ പ്രഭാവലയത്തിന്റെ സാന്നിധ്യത്തിൽ നിൽക്കാൻ കഴിഞ്ഞതുതന്നെ ആവേശകരമാണ്.- എന്ന അടിക്കുറിപ്പിലാണ് മാധവ് ചിത്രം പോസ്റ്റ് ചെയ്തത്. മാധവിന്റെ തോളത്ത് കൈവച്ച് സംസാരിക്കുന്ന മോദിയെ ആണ് ചിത്രത്തിൽ കാണുന്നത്. തൃശൂരിൽ മഹിളാമോർച്ച സംഘടിപ്പിച്ച സ്ത്രീസംഗമത്തിൽ പങ്കെടുക്കാനെത്തിയപ്പോഴാണ് അച്ഛനൊപ്പം എത്തി മാധവും ഭാവ്നിയും മോദിയെ കണ്ടത്. 

സുരേഷ് ​ഗോപിയുടെ നാലു മക്കളിൽ ഏറ്റവും ഇളയ മകനാണ് മാധവ്. അച്ഛനും സഹോദരൻ ​ഗോകുൽ സുരേഷിനും പിന്നാലെ സിനിമയിലേക്ക് അരങ്ങേറ്റം കുറിക്കാനുള്ള തയാറെടുപ്പിലാണ് മാധവ്. വിൻസെന്റ് സെൽവ സംവിധാനം ചെയ്യുന്ന കുമ്മാട്ടിക്കളിയിൽ നായകനായിട്ടാണ് മാധവ് എത്തുക. 

ഈ വാര്‍ത്ത കൂടി വായിക്കൂ 

'സൂപ്പര്‍ ഡീലക്‌സിനെ തള്ളി ഗള്ളി ബോയ് ഇന്ത്യയുടെ ഓസ്‌കര്‍ എന്‍ട്രിയായത് രാഷ്ട്രീയം': വിജയ് സേതുപതി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ