വയനാടിനൊപ്പം; സഹായഹസ്തവുമായി പ്രിയതാരങ്ങൾ

ഇതുവരെ കാണാത്ത ഒരു മഹാ ദുരന്തത്തിലൂടെയാണിപ്പോൾ കേരളം കടന്നു പോകുന്നത്. ഉരുൾപൊട്ടൽ തകർത്തെറിഞ്ഞ വയനാടിന് സഹായഹസ്തവുമായി നിരവധി പേരാണ് രം​ഗത്തെത്തുന്നത്. ഇപ്പോഴിതാ വയനാടിന് സഹായവുമായെത്തിയിരിക്കുകയാണ് തമിഴ് താരങ്ങളും. സൂര്യ, കാർത്തി, ജ്യോതിക, രശ്മിക മന്ദാന തുടങ്ങിയ താരങ്ങളാണ് ഇപ്പോൾ ദുരിതാശ്വാസ പ്രവർത്തനങ്ങൾക്കുള്ള ധനസഹായം നൽകിയിരിക്കുന്നത്.

കഴിഞ്ഞ ദിവസം നടൻ ചിയാൻ വിക്രമും മുഖ്യമന്ത്രിയുടെ ദുരിതാശ്വാസ നിധിയിലേക്ക് 20 ലക്ഷം രൂപ സംഭാവന ചെയ്തിരുന്നു. 50 ലക്ഷം രൂപയാണ് സൂര്യയും കാർത്തിയും ജ്യോതികയും ചേർന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയത്. ഹൃദയം തകർന്നുപോകുന്നു എന്നാണ് സൂര്യ വയനാട്ടിലെ ദുരന്തത്തോട് പ്രതികരിച്ചത്. ഉരുൾപൊട്ടലിന്റെ ദുരിതബാധിതർക്കായി പ്രാർത്ഥിക്കുന്നു.

രക്ഷാപ്രവർത്തകർക്കൊപ്പം ചേർന്ന് ദുരിതബാധിതരെ സഹായിക്കുന്ന ജനങ്ങളോടും സർക്കാർ ഏജൻസി അം​ഗങ്ങളോടും ബഹുമാനം മാത്രം എന്നാണ് സൂര്യ സോഷ്യൽ മീഡിയയിൽ കുറിച്ചത്. വാർത്ത കണ്ടപ്പോൾ ഹൃദയം നുറുങ്ങിപ്പോയെന്നാണ് രശ്മിക സോഷ്യൽ മീഡിയയിൽ കുറിച്ചത്. ഭീകരമാണീ അവസ്ഥ.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ദുരിതബാധിതരുടെ കുടുംബങ്ങൾക്കായി പ്രാർത്ഥിക്കുന്നുവെന്നും രശ്മിക കുറിച്ചു. 10 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് താരം സംഭാവന ചെയ്തിട്ടുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.