മലയാളികളുടെ പ്രിയങ്കരിയായ നടി സ്വാസികയും പ്രേം ജേക്കബും കഴിഞ്ഞ ദിവസമാണ് വിവാഹിതരായത്. സുഹൃത്തുക്കളും ആരാധകരും ആഘോഷമാക്കിയ വിവാഹ ചിത്രങ്ങള്‍ സോഷ്യല്‍ മീഡിയയിലും വൈറലായിരുന്നു. വിവാഹ ചിത്രങ്ങള്‍ക്കൊപ്പം വിശേഷങ്ങളും പങ്കുവച്ച് സ്വാസികയും ഇന്‍സ്റ്റഗ്രാമില്‍ എത്തിയിരുന്നു.
ഇപ്പോള്‍ ഇരുവരുമൊത്തുള്ള വെഡിങ് ഗാനം വൈറലാകുകയാണ്. സ്വാസികയുടെ വിവാഹം നടന്ന ജനുവരി 24നാണ് ഈ ഗാനം പുറത്തിറങ്ങിയിരിക്കുന്നത്. റൊമാന്റിക് മോഡിലുള്ള സ്വാസികയെയും പ്രേമിനെയും വീഡിയോയില്‍ കാണാം. ഗൗതം വിന്‍സന്റ് ആണ് ഗാനത്തിന് സംഗീതം നല്‍കിയത്. ജോസിമ ഷാജിയുടെ വരികള്‍ക്ക് ശബ്ദം നല്‍കിയിരിക്കുന്നത് സോണി മോഹനും ഋധു കൃഷ്ണയും ചേര്‍ന്നാണ്. ഗാനം ഇതിനോടകം നിരവധി പേരാണ് കണ്ടത്.
വിവാഹം കഴിഞ്ഞതിന് പിന്നാലെ ഇരുവര്‍ക്കും കസിന്‍സ് പണികൊടുക്കുന്ന വീഡിയോ സ്വാസിക ഇന്‍സ്റ്റഗ്രാമില്‍ പങ്കിട്ടുണ്ട്. ആദ്യരാത്രിയില്‍ മുറിയില്‍ എത്തിയ സ്വാസികയെ കസിന്‍സ് പൂട്ടിയിടുകയായിരുന്നു. താക്കാല്‍ കണ്ടെത്തി വാതില്‍ തുറക്കണം എന്നായിരുന്നു ടാസ്‌ക്. പ്രേം താക്കോല്‍ തപ്പി നടക്കുന്നതും അവസാനം കണ്ടുപിടിക്കുന്നതുമെല്ലാം വിഡിയോയിലുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
