സന്തോഷ് നാരായണൻ ആദ്യമായി മലയാളത്തിൽ; അരങ്ങേറ്റം ടോവിനോ ചിത്രത്തിലൂടെ 

പ്രശസ്ത തമിഴ് സംഗീത സംവിധായകനായ സന്തോഷ് നാരായണൻ ആദ്യമായി ഒരു മലയാള ചിത്രത്തിന്റെ ഭാ​ഗമാകുന്നു. ടോവിനോ തോമസ് നായകനാവുന്ന ചിത്രത്തിലൂടെയാണ് സന്തോഷ് മലയാളത്തിലെത്തുന്നത്. നവാഗതനായ ഡാർവിൻ കുര്യാക്കോസ് ഒരുക്കുന്ന ഈ ചിത്രത്തിന്റെ പേര് പുറത്തുവിട്ടിട്ടില്ല. 

കാലാ, കബാലി, ജിഗർതണ്ടാ, പിസ, വട ചെന്നൈ, പരിയേറും പെരുമാൾ, സൂതു കാവും, ഭൈരവാ തുടങ്ങിയ ചിത്രങ്ങളുടെ സംഗീത സംവിധായകനാണ് സന്തോഷ്. ചിത്രത്തിന്റെ ടൈറ്റിൽ ഉൾപ്പെടെയുള്ള ഔദ്യോഗിക പ്രഖ്യാപനം അടുത്ത ദിവസങ്ങളിൽ ഉണ്ടാകുമെന്ന് അണിയറപ്രവർത്തകർ അറിയിച്ചു. ജിനു എബ്രഹാമാണ് രചന നിർവഹിച്ചിരിക്കുന്നത്.