ഇങ്ക യെന്ന സൊല്ലുത്...; ദളപതി 69ൽ ​ഗൗതം മേനോനും പ്രിയ മണിയും

ദളപതി 69 ലെ താരനിര ഒന്നിനു പുറകേ ഒന്നായി അണിയറപ്രവർത്തകർ പുറത്തുവിടുകയാണ്. ഇതുവരെ പുറത്തുവന്ന താരങ്ങളുടെ പേരുകൾ ചിത്രത്തിനായുള്ള കാത്തിരിപ്പ് കൂട്ടുന്നതുമാണ്. എച്ച് വിനോദ് സംവിധാനം ചെയ്യുന്ന ചിത്രത്തിൽ മലയാളത്തിൽ നിന്ന് മമിത ബൈജുവും പ്രധാന വേഷത്തിലെത്തുന്നുണ്ട്.

'മറക്കാൻ കഴിയാത്ത അനുഭവം, ഇതെനിക്കൊരു പഠന യാത്ര കൂടിയാണ്'; സത്യരാജിന് ആശംസകളുമായി ലോകേഷ്

ഇപ്പോഴിതാ ചിത്രത്തിലെ പുതിയ ഒരു താരത്തിന്റെ പേര് കൂടി പുറത്തുവിട്ടിരിക്കുകയാണ് അണിയറപ്രവർത്തകർ. ​ഗൗതം വാസുദേവ് മേനോനാണ് മറ്റൊരു സുപ്രധാന വേഷത്തിലെത്തുന്നത്. 'ഇവിടെ എന്താ പറയണ്ടേ... ഈ സർപ്രൈസ് അപ്ഡേറ്റ് നിങ്ങളുടെ തല കീഴ്മേൽ മറിക്കും'- എന്നാണ് പോസ്റ്റർ പങ്കുവച്ച് നിർമ്മാതാക്കളായ കെവിഎൻ പ്രൊഡക്ഷൻസ് കുറിച്ചിരിക്കുന്നത്.

ചിത്രത്തിൽ പ്രിയ മണിയും പ്രധാന വേഷത്തിലെത്തുന്നുണ്ട്. പ്രിയ മണിയെ സ്വാ​ഗതം ചെയ്തു കൊണ്ടുള്ള പോസ്റ്ററും നിർമ്മാതാക്കൾ പുറത്തുവിട്ടു. ചിത്രത്തിലെ മറ്റു താരങ്ങൾ ആരൊക്കെയാണെന്നറിയാനുള്ള ആകാംക്ഷയിലാണ് ആരാധകരും. മുൻപ് ബോബി ഡിയോളിനെയും പൂജ ഹെ​ഗ്ഡെയെയും സ്വാ​ഗതം ചെയ്തു കൊണ്ട് അണിയറപ്രവർത്തകർ പോസ്റ്റർ പങ്കുവച്ചിരുന്നു.