'ഇത് ഞാൻ ചെയ്ത പാട്ട് അല്ല'; അന്ധാ​ഗൻ ടീമിനെതിരെ സന്തോഷ് നാരായണൻ

നടൻ പ്രശാന്ത് നായകനായെത്തുന്ന പുതിയ ചിത്രമാണ് അന്ധാ​ഗൻ. കഴിഞ്ഞ ദിവസമായിരുന്നു ചിത്രത്തിന്റെ ഓഡിയോ ലോഞ്ച് നടന്നത്. ചെന്നൈയിൽ വച്ച് നടന്ന ചടങ്ങിൽ അതിഥിയായി നടൻ വിജയ്‌യും എത്തിയിരുന്നു. എന്നാൽ ഇപ്പോൾ ചിത്രത്തിന്റെ അണിയറപ്രവർത്തകർക്കെതിരെ രം​ഗത്തെത്തിയിരിക്കുകയാണ് സം​ഗീത സംവിധായകൻ സന്തോഷ് നാരായണൻ.

താൻ ചെയ്ത പാട്ടിൽ സിനിമയുടെ നിർമാതാക്കളും സോണി മ്യൂസിക്കും തിരിമറികൾ നടത്തിയെന്നാണ് സന്തോഷ് നാരായണന്റെ ​ഗുരുതര ആരോപണം. ചരിത്രത്തിലാദ്യമായി ഒരു ഓഡിയോ ലേബൽ കാഴചയില്ലാത്ത കഥാപാത്രത്തെ അവതരിപ്പിച്ചിരിക്കുന്നു- എന്നാണ് സന്തോഷ് നാരായണൻ എക്സിൽ കുറിച്ചത്. അന്ധാ​ഗൻ ആന്തം എന്ന പേരിൽ ഇപ്പോഴെത്തിയിരിക്കുന്നത് ഞാൻ സംഗീതം നൽകിയ ഗാനമല്ല, കൂടാതെ ഞാൻ ചെയ്ത ​ഗാനത്തിലെ വരികളോ അറേഞ്ച്മെന്റോ മിക്സോ അല്ല ഇപ്പോൾ പുറത്തെത്തിയ ​ഗാനത്തിലുള്ളത്- എന്നും സന്തോഷ് നാരായണൻ കുറിച്ചു.

അതേസമയം മ്യൂസിക് ഡയറക്ടറുടെ ക്രെഡിറ്റ് സന്തോഷ് നാരായണന് തന്നെയാണ് സോണി മ്യൂസിക് നൽകിയിരിക്കുന്നത്. അനിരുദ്ധ് രവിചന്ദർ, വിജയ് സേതുപതി എന്നിവർ ചേർന്നാണ് ഗാനം ആലപിച്ചിരിക്കുന്നത്. 2018-ൽ പുറത്തിറങ്ങിയ അന്ധാധുൻ എന്ന ചിത്രത്തിന്റെ തമിഴ് റീമേക്കാണ് അന്ധാ​ഗൻ.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പ്രിയ ആനന്ദ്, സിമ്രാൻ, കാർത്തിക്, സമുദ്രക്കനി, ഉർവശി, യോ​ഗി ബാബു, കെ.എസ്. രവികുമാർ, വനിതാ വിജയകുമാർ, മനോബാല തുടങ്ങി വൻ താരനിരയാണ് ചിത്രത്തിനായി അണിനിരക്കുന്നത്. 2022 ൽ ഷൂട്ടിങ് പൂർത്തിയാക്കിയ ചിത്രം ചില സാങ്കേതിക കാരണങ്ങളാൽ നീണ്ടു പോവുകയായിരുന്നു.