ഒന്നിച്ച് ലെമൺ ടീ കുടിച്ച് 'നാൻ, ടിനി ടോം, ഉണ്ണി മുകുന്ദൻ'; പൃഥ്വിരാജ് എവിടെയെന്ന് ആരാധകർ, ചിത്രം വൈറൽ 

ടിനി ടോമും ഉണ്ണി മുകുന്ദനും സമൂഹമാധ്യമങ്ങളിൽ പങ്കുവച്ച നടൻ ബാലയ്‌ക്കൊപ്പമുള്ള ചിത്രമാണ് ഇപ്പോൾ ശ്രദ്ധനേടുന്നത്. മൂവരും ഒന്നിച്ചെത്തുന്ന ചിത്രം അടുത്തകാലത്ത് വൈറലായ ‘‘നാൻ, പൃഥ്വിരാജ്, ഉണ്ണിമുകുന്ദൻ...’’ ഡയലോ​ഗ് വീണ്ടും ഓർമ്മിപ്പിക്കുന്നതാണ്. 

"ഒരുമിച്ച് ഒരു യാത്ര. സുഹൃത്തുക്കൾ എന്നന്നേക്കുമുള്ളതാണ്. ഇപ്പോ എടുത്തത്, ഞങ്ങൾ ഒരുമിച്ച് ഒരു ലമൺ ടീ കുടിച്ചു", എന്ന് കുറിച്ചാണ് ടിനി ടോം ചിത്രം പങ്കുവച്ചത്. അനൂപ് മേനോനും പൃഥ്വിരാജും എവിടെപ്പോയെന്നാണ് പോസ്റ്റിൽ നിറയുന്ന കമന്റുകൾ. അടുത്ത ഫോട്ടോയിൽ രണ്ട് പേരെയും ഉൾപ്പെടുത്തണമെന്നും ചിലർ പറയുന്നു. 

ടി വി പരിപാടിക്കിടെ നടൻ ബാലയെ അനുകരിച്ച് ടിനി ടോം പറഞ്ഞൊരു ഡയലോഗാണ് ഫോട്ടോയ്ക്ക് പിന്നിലെ കഥ. 2012ൽ ബാല തിരക്കഥയെഴുതി സംവിധാനം ചെയ്ത 'ഹിറ്റ് ലിസ്റ്റ്' എന്ന സിനിമയെക്കുറിച്ച് ബന്ധപ്പെട്ട രസകരമായൊരു ഓർമ പങ്കുവയ്ക്കുകയായിരുന്നു ടിനി. ടിനി ടോമും രമേഷ് പിഷാരടിയും ചേർന്നവതരിപ്പിച്ച ഈ സംഭവം ഞൊടിയിടയിലാണ് വൈറലായത്. 

ഈ വാര്‍ത്ത കൂടി വായിക്കൂ 

വന്‍ താരനിരയുമായി ജൂഡ് ആന്തണിയുടെ 'പ്രളയ ചിത്രം'; ഫസ്റ്റ് ലുക്ക് പോസ്റ്റര്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കു ക്ലിക്ക് ചെയ്യൂ