പത്താം വിവാഹ വാര്‍ഷികം ആഘോഷിച്ച് യുവതാരം ടൊവി തോമസും ഭാര്യ ലിഡിയയും. മാലിദ്വീപിലായിരുന്നു ദമ്പതികള്‍ വിവാഹവാര്‍ഷികം ആഘോഷിച്ചത്. കടല്‍ തീരത്തൊരുക്കിയ റൊമാന്റിക് ഡേറ്റിന്റെ ചിത്രങ്ങളും താരം സോഷ്യല്‍ മീഡിയയില്‍ പങ്കുവച്ചു.
മനോഹരമായ സ്‌നേഹത്തിന്റെയും ഒത്തുചേരലിന്റെയും ഒരു ദശാബ്ദം പൂര്‍ത്തിയാകുന്നു. നിന്നോടൊപ്പമുള്ള ഓരോ നിമിഷവും സാഹസികതയുടെ പ്രിയമേറുന്ന നിമിഷങ്ങളാണ്. ഇനിയും വരാനിരിക്കുന്ന അവിശ്വസനീയമായ യാത്രകള്‍ക്കായി കാത്തിരിക്കുകയാണ്. മനോഹരമായ ഓര്‍മകള്‍ സൃഷ്ടിക്കാനും ഒരുമിച്ച് ചിരിക്കാനും സ്‌നേഹം നിലനിര്‍ത്താനും നമുക്കാകട്ടെ. മനോഹരമായ ഒരുപാട് വിവാഹവാര്‍ഷികങ്ങള്‍ നമുക്കാഘോഷിക്കാം. ടൊവിനോ കുറിച്ചു.
വിവാഹ ചിത്രം ഉള്‍പ്പടെ നിരവധി ഫോട്ടോകളാണ് ടൊവിനോ പോസ്റ്റ് ചെയ്തിരിക്കുന്നത്. നിരവധി പേരാണ് ദമ്പതികള്‍ക്ക് വിവാഹവാര്‍ഷിക ദിനാശംസകള്‍ അറിയിച്ചത്. ഏറെ നാളത്തെ പ്രണയത്തിനൊടുവിലാണ് ടൊവിനോ തോമസും ലിഡിയയും വിവാഹിതരാകുന്നത്. 2014ലായിരുന്നു വിവാഹം. മലയാളത്തിലെ സൂപ്പര്‍താരമായി ടൊവിനോ ഉയരുന്നത് വിവാഹ ശേഷമാണ്. ദമ്പതികള്‍ക്ക് ഇസ, തഹാന്‍ എന്നീ രണ്ടു മക്കളാണ് ഉള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
