പാര്‍ലമെന്റിലെ മണ്‍സൂണ്‍ സെഷന്റെ ആദ്യദിനത്തില്‍ സ്വയം കുടചൂടിയെത്തിയ പ്രധാനമന്ത്രി നരേന്ദ്ര മോദിയുടെ 'സിമ്പ്ളിസിറ്റി'യെക്കുറിച്ച് സോഷ്യല്‍ മീഡിയയില്‍ ചൂടന്‍ ചര്‍ച്ചയാണ്. ബിജെപി നേതാക്കളും മോദി അനുകൂലികളും പ്രധാനമന്ത്രിയുടെ എളിമയെ വാഴ്ത്തുമ്പോള്‍, ട്രോളുകളുമായി മറുഭാഗവും രംഗം കൊഴുപ്പിക്കുന്നുണ്ട്.
പ്രധാനമന്ത്രിയെ പുകഴ്ത്തി ചലച്ചിത്ര സംവിധായകന്‍ പ്രിയദര്‍ശന്‍ രംഗത്തുവന്നിരുന്നു. 'നമ്മുടെ പ്രധാനമന്ത്രിയുടെ ലാളിത്യത്തെ ഞാന്‍ അഭിനന്ദിക്കുന്നു' എന്നായിരുന്നു സ്വയം കുടചൂടി നില്‍ക്കുന്ന മോദിയുടെ ചിത്രം പങ്കുവച്ച് പ്രിയദര്‍ശന്‍ കുറിച്ചത്.
ഇതിനെ പരിഹസിച്ച് സംവിധായകന്‍ എം എ നിഷാദ് രംഗത്തെത്തി. ഇന്‍ ഹരിഹര്‍ നഗര്‍ സിനിമയിലെ പ്രസിദ്ധമായ ജഗദീഷിന്റെ ചിത്രം ട്രോളാക്കി മാറ്റിയാണ് നിഷാദിന്റെ പരിഹാസം.
നിഷാദിന്റെ ഫെയ്‌സ്ബുക്ക് പോസ്റ്റ് ഇങ്ങനെ:
എന്താണെന്നറിയില്ല...എനിക്കും ഭയങ്കര
Appreciation ആണ്,അപ്പുകുട്ടനോട്... എന്താ, ഇങ്ങനെ സിമ്പിള്‍ ആയി പറയുന്ന സംവിധായകരെ,അവര്‍ക്ക് ഇഷ്ടമല്ലേ ?
Dont they like ?
കേന്ദ്രമന്ത്രി വി മുരളീധരനാണ് മോദിയെ അഭിനന്ദിച്ച് ആദ്യം രംഗത്തുവന്നത്. ഇത്രയും ലാളിത്യം തൊഴിലാളി വര്‍ഗ രാഷ്ട്രീയം പറയുന്ന മുഖ്യമന്ത്രി പിണറായി വിജയന് പറ്റില്ലെന്നായിരുന്നു ഫെയ്‌സ്ബുക്ക് പോസ്റ്റ്. പിന്നാലെ, പേഴ്‌സണല്‍ സ്റ്റാഫുകളെ കൊണ്ട് കുടപിടിപ്പിച്ച് നടക്കുന്ന മോദിയുടെയും വി മുരളീധരന്റെയും ചിത്രങ്ങളുമായി ഇതിനെ പരിഹസിക്കുന്നവരും രംഗത്തെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
