ന്യൂഡല്‍ഹി: പ്രശസ്ത സംഗീത സംവിധായകന്‍ എ ആര്‍ റഹ്മാന്റെ താല് സേ താല് മിലാ എന്ന ഗാനത്തിനനുസരിച്ച് പ്രകടനം കാഴ്ചവെച്ച് അമേരിക്കന്‍ ആര്‍ടിസ്റ്റിക് സ്വിമ്മിങ് ടീം. സ്വിമ്മിങ് പൂളില്‍ ഗാനത്തിന് കോറിയോഗ്രാഫി ചെയ്തതില്‍ നന്ദി അറിയിച്ചു തൊണ്ട് പ്രശസ്ത ഹിന്ദി ചലച്ചിത്ര സംവിധായകന്‍ സുഭാഷ് ഘായ് എക്‌സില്‍ പോസ്റ്റ് ചെയ്തു. ഇത്തരം സംഭവങ്ങള്‍ അപൂര്‍വമാണെന്നായിരുന്നു അദ്ദേഹം എക്‌സില്‍ കുറിച്ചത്.
ഒരു മാസം മുമ്പ് ദോഹയില്‍ അക്വാട്ടിക്‌സ് മത്സരത്തിലാണ് സംഭവം. എല്ലാ ഇന്ത്യക്കാര്‍ക്കും അഭിമാനിക്കാവുന്ന നിമിഷമാണെന്നാണ് ഒരാള്‍ പോസ്റ്റിന് താഴെ കമന്റ് ചെയ്തത്. ഇന്ത്യന്‍ സംഗീതത്തിന്റെ മുഖമാണ് എ ആര്‍ റഹ്മാനെന്നും അതിശയമാരിക്കുന്നുവെന്നുമാണ് മറ്റൊരാളുടെ കമന്റ്. വിഡിയോ എ ആര്‍ റഹ്മാനും ഷെയര്‍ ചെയ്തിട്ടുണ്ട്.
താല് എന്ന ഹിന്ദി സിനിമയിലേതാണ് താല് സേ താല് മിലാ... എന്ന പാട്ട്. ആനന്ദ് ബക്ഷി എഴുതിയ ഗാനം ആലപിച്ചിരിക്കുന്നത് അല്‍ക യാഗ്നിക്കും ഉദിത് നാരായണനും ചേര്‍ന്നാണ്. ചിത്രത്തില്‍ അഭിനയിച്ചിരിക്കുന്നത് ഐശ്വര്യ റായിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
