ബോളിവുഡിലെ സൂപ്പര്‍താരമാണ് വിദ്യാ ബാലന്‍. മലയാളിയായ താരം കഠിനാധ്വാനത്തിലൂടെയാണ് തന്റേതായ സ്ഥാനം നേടിയെടുത്തത്. ഇപ്പോള്‍ മലയാളം സിനിമയോടുള്ള ഇഷ്ടം തുറന്നു പറഞ്ഞിരിക്കുകയാണ് താരം.
ഇന്‍സ്റ്റഗ്രാം റീലിലൂടെയാണ് വിദ്യാ ബാലന്‍ മലയാളത്തിനോടുള്ള സ്‌നേഹം വെളിപ്പെടുത്തിയത്. മുകേഷും തിലകനും സിദ്ധിഖും ജഗതിയും ഒന്നിച്ച മൂക്കില്ല രാജ്യത്ത് എന്ന കോമഡി ചിത്രത്തിലെ ഹിറ്റ് ഡയലോഗാണ് വിദ്യ അഭിനയിച്ച് കാണിച്ചത്. രണ്ട് ആഴ്ചയായി താന്‍ ഭ്രാന്തമായി മലയാളം സിനിമ കാണുകയാണ് എന്ന കുറിപ്പിനൊപ്പമാണ് വിദ്യ വിഡിയോ പങ്കുവച്ചത്. ലവ് മലയാളം സിനിമ എന്ന ഹാഷ്ടാഗും ഇതിനൊപ്പം ചേര്‍ത്തിട്ടുണ്ട്.
വിഡിയോ വൈറലാവുകയാണ്. 60 ലക്ഷത്തില്‍ അധികം പേരാണ് ഇതിനോടകം വിഡിയോ കണ്ടത്. നിരവധി മലയാളികളും വിഡിയോയ്ക്ക് താഴെ കമന്റുമായി എത്തുന്നുണ്ട്. മലയാളം സിനിമയില്‍ എന്നാണ് കാണാനാവുക എന്നാണ് വിദ്യാ ബാലനോട് ആരാധകര്‍ ചോദിക്കുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
മോഹന്‍ലാലിന്റെ നായികയായി മലയാളത്തിലൂടെയാണ് വിദ്യാ ബാലന്‍ അരങ്ങേറ്റം കുറിക്കാനിരുന്നത്. കമല്‍ ചിത്രം പാതി വഴിയില്‍ നിന്നുപോവുകയായിരുന്നു. തുടര്‍ന്ന് 2003ല്‍ ബംഗാളി സിനിമയിലൂടെയാണ് താരം അരങ്ങേറ്റം കുറിക്കുന്നത്. 2005ല്‍ ഇറങ്ങിയ പരിനീത എന്ന ചിത്രമാണ് വിദ്യയെ ബോളിവുഡില്‍ ശ്രദ്ധേയയാക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
