രക്തം പുരണ്ട ചുറ്റികയുമായി വിജയ്‌; ആകാംക്ഷ നിറച്ച് 'ലിയോ'യുടെ ഫസ്റ്റ്‌ലുക്ക് പോസ്റ്റർ

കയ്യിൽ രക്തം പുരണ്ട ചുറ്റികയുമായി വിജയ്... ആകാംക്ഷയുടെ മുൾമുനയിൽ നിർത്തി ലിയോയുടെ ഫസ്റ്റ് ലുക്ക് പോസ്റ്റർ പുറത്തു വിട്ട് അണിയറ പ്രവർത്തകർ. താരത്തിന്റെ 49-ാം പിറന്നാൾ ദിനത്തോട് അനുബന്ധിച്ച് രാത്രി 12 മണിയോടെയാണ് പോസ്റ്റർ പുറത്തുവിട്ടത്. പോസ്റ്ററിൽ ഒരു ചെന്നായയെയും വിജയ്‌ക്കൊപ്പം കാണാം. 

കഴിഞ്ഞ ദിവസമാണ് ചിത്രത്തിന്റെ 'നാ റെഡി താ വരവാ' എന്ന ആദ്യ ​ഗാനത്തിന്റെ പ്രമോ പുറത്തുവിട്ടത്. ആരാധർക്കിടയിൽ നിന്നും മികച്ച പ്രതികരണമായിരുന്നു പ്രമോയ്‌ക്ക് കിട്ടിയത്. വിജയ് തന്നെയാണ് ​ഗാനം ആലപിച്ചിരിക്കുന്നത്. സോഷ്യൽ മീഡിയയിൽ ട്രെൻഡിങ് ആണ് ലിയോ ആദ്യ ഗാനത്തിലെ പ്രൊമോ. സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ചിത്രം നിർമ്മിക്കുന്നത്.

വിജയ്, തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്‌കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നത്. അനിരുദ്ധ് ആണ് ചിത്രത്തിന് വേണ്ടി സം​ഗീതം ഒരുക്കുന്നത്. ഒക്ടോബർ 19നാണ് ചിത്രം ലോകമെമ്പാടും റിലീസ് ചെയ്യും. 

ഈ വാർത്ത കൂടി വായിക്കൂ

'എന്താടാ ഒളിച്ചോട്ടാ'; നായകനായി നസ്ലെൻ; 18 പ്ലസ് ട്രെയിലർ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ