പൃഥ്വിരാജ് നായകനായി എത്തുന്ന സയന്‍സ് ഫിക്ഷന്‍ ചിത്രം 'നയന്‍' ലെ ഗാനം പുറത്ത് പൃഥ്വിരാജും മംമ്ത മോഹന്‍ദാസും പ്രണയജോഡികളാകുന്ന അകലെയൊരു താരകമായെന്‍ എന്ന ഗാന വീഡിയോയയാണ് റിലീസ് ചെയ്തത്. ചിത്രത്തിലെ വീഡിയോ സോംഗ് ഇന്ന് റിലീസ് ചെയ്യുമെന്ന് പൃഥ്വിരാജ് ഫെയ്‌സ്ബുക്കിലൂടെ അറിയിച്ചിരുന്നു.
പൃഥ്വിരാജ് പ്രൊഡക്ഷന്‍സും സോണി പിക്‌ച്ചേര്‍സും ചേര്‍ന്നാണ് സിനിമ നിര്‍മ്മിക്കുന്നത്. ഹരിനാരായണന്റെ വരികള്‍ക്ക് ഷാന്‍ റഹ്മാനാണ് സംഗീതമൊരുക്കിയിയത്.
പൃഥ്വിക്കൊപ്പം ബാലതാരം അലോക് പ്രധാനകഥാപാത്രത്തെ അവതരിപ്പിക്കുന്നു. വാമിഖ, മംമ്ത മോഹന്‍ദാസ് എന്നിവരാണ് പൃഥ്വിരാജിന്റെ നായികമാര്‍. പ്രകാശ് രാജ്, ടോണി ലൂക്ക് ലൂക്ക് എന്നിവരാണ് മറ്റുതാരങ്ങള്‍.
സംവിധായകന്‍ കമലിന്റെ മകന്‍ ജെനുസ് മൊഹമ്മദ് ആണ് നയന്‍ സംവിധാനം ചെയ്യുന്നത്. ദുല്‍ക്കര്‍ നായകനായി എത്തിയ 100 ഡെയ്‌സ് ഓഫ് ലവ് എന്ന ചിത്രത്തിനു ശേഷം ജെനുസ് സംവിധാനം ചെയ്യുന്ന ചിത്രമാണ് നയന്‍. ചിത്രത്തിന്റെ ട്രെയിലര്‍ നേരത്തെ റിലീസ് ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
