അന്ന് ഒപ്പമുണ്ടായിരുന്നത് ഖുശ്ബു, ഇപ്പോൾ രേവതി; അന്നും ഇന്നും ജ്യോതിക കിടു എന്ന് ആരാധകർ (ചിത്രങ്ങൾ) 

നടി ജ്യോതികയുമൊത്തുള്ള 20വർഷത്തെ സൗഹൃദത്തിന്റെ ഓർമ്മ ട്വിറ്ററിൽ പങ്കുവച്ചിരിക്കുകയാണ് നൃത്ത സംവിധായിക ബൃന്ദാ മാസ്റ്റർ. 20വർഷം മുമ്പെടുത്ത ചിത്രം ട്വീറ്റ് ചെയ്താണ് സൗഹൃദ ഓർമ്മകൾ പങ്കുവച്ചത്. “20 years challenge , me and joe” എന്ന് കുറിച്ചാണ് ചിത്രങ്ങൾ പോസ്റ്റ് ചെയ്തിരിക്കുന്നത്. 

20വർഷം മുൻപ് നൃത്തപരിശീലനത്തിനിടെയുള്ള ഇരുവരുടെയും ചിത്രവും ഇപ്പോഴുള്ള ചിത്രവുമാണ് ട്വീറ്റിൽ കാണാനാകുക. 20വർഷം മുൻപുള്ള ചിത്രത്തിൽ നടി ഖുശ്ബു ഇവർക്കൊപ്പമുണ്ട്. ഈ വർഷത്തെ ചിത്രത്തിൽ ഇരുവർക്കുമൊപ്പം നടി രേവതിയാണ് ഫോട്ടോയിലുള്ളത്. 

ഇരുപത് വർഷമായിട്ടും ജ്യോതികയ്ക്ക് ഒരു മാറ്റവും ഇല്ലെന്നാണ് കമന്റുകളിൽ ആരാധകരുടെ പ്രതികരണം. അന്നും ഇന്നും ഞങ്ങളുടെ ജ്യോതിക ഒരുപോലെതന്നെയാണെന്നാണ് പലരുടെയും വാക്കുകൾ.