അമീര്‍ഖാനെക്കാളും സാമൂഹ്യപ്രതിബദ്ധത തനിക്കുണ്ടെന്ന് കമല്‍ ഹാസന്‍

മുംബൈ: അമീര്‍ഖാന്റെ സത്യമേവ ജയതേ എന്തുകൊണ്ട് തമിഴില്‍ കമലഹാസനു ചെയ്തുകൂടാ? എന്ന ചോദ്യത്തിന് മറുപടിയായാണ് കമല്‍ ഹാസന്‍ അമീര്‍ഖാന് വാക്കേറ് നല്‍കിയത്. ''അത് ചെയ്യുന്നയാളേക്കാള്‍ കൂടുതല്‍ സാമൂഹ്യപ്രതിബദ്ധത എനിക്കുണ്ട്.'' എന്നായിരുന്നു കമലിന്റെ മറുപടി.
കമല്‍ഹാസന്റെ ആദ്യ ചാനല്‍ പ്രോഗ്രാമിന്റെ ട്രെയിലര്‍ ഉദ്ഘാടന വേളയിലായിരുന്നു കമലിന്റെ പ്രതികരണം.
കമല്‍ ഹാസനും ആമീര്‍ഖാനും ഇന്ത്യന്‍ സിനിമയില്‍ സാമൂഹ്യകാഴ്ചപ്പാടില്‍ ഏതാണ്ട് ഒരേ ധാരയില്‍ നീങ്ങുന്നവരാണ് ഇവരെന്ന് പൊതുവെ ധാരണയുണ്ട്. അമീര്‍ഖാന്റെ സത്യമേവ ജയതേ എന്ന ടെലിവിഷന്‍ പരിപാടി സാമൂഹ്യ പ്രതിബദ്ധതയുള്ള പരിപാടിയെന്ന നിലയില്‍ ഏറെ ശ്രദ്ധിക്കപ്പെട്ടതാണ്.
കമല്‍ഹാസന്‍ കാശ്മീര്‍ വിഷയത്തിലും ജെല്ലിക്കെട്ട് തടഞ്ഞ സമയത്തും തന്റെ നിലപാട് വ്യക്തമാക്കി ശ്രദ്ധാകേന്ദ്രമായിരുന്നു.