അമ്പരന്ന് ആരാധകര്‍; ഇതാണ് ചൈനക്കാരന്‍ ഇട്ടിമാണി; കലക്കന്‍ ഗെറ്റപ്പില്‍ പുത്തന്‍ ലുക്കുമായി ലാലേട്ടന്‍

കൊച്ചി: ഇട്ടിമാണിറിലീസിനൊരുങ്ങുന്ന 'ഇട്ടിമാണി മെയ്ഡ് ഇന്‍ ചൈന'യിലെ പുത്തന്‍ ലുക്ക് പങ്കുവച്ച് മോഹന്‍ലാല്‍. ഒരു ചൈനീസ് ആയോധനകലാ അഭ്യാസിയുടെ ഗെറ്റപ്പിലുള്ള തന്റെ ചിത്രമാണ് താരം ട്വിറ്ററില്‍
പങ്കുവച്ചിരിക്കുന്നത്. വേറിട്ട ലുക്കിലുള്ള ഈ ചിത്രം ഇതിനോടകം ആരാധകര്‍ ഏറ്റെടുത്തു കഴിഞ്ഞു.

നവാഗതരായ ജിബി ജോജു സംവിധാനം ചെയ്യുന്ന 'ഇട്ടിമാണി മെയ്ഡ് ഇന്‍ ചൈന' തൃശൂരിന്റെ പശ്ചാത്തലത്തിലൊരുങ്ങുന്ന ഫാമിലി -കോമഡി എന്റര്‍ടെയ്‌നറാണ്. മോഹന്‍ലാലിന്റെ വേറിട്ട ഗെറ്റപ്പുകളിലുള്ള പ്രകടനമാകും ചിത്രത്തിന്റെ ഹൈലൈറ്റ്. ചെറിയ ഇടവേളയ്ക്കു ശേഷമുള്ള താരത്തിന്റെ കോമഡി ചിത്രമെന്നതും ഇട്ടിമാണിയെ ശ്രദ്ധേയമാക്കുന്നു.

ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്. ഓണം റിലീസായി ചിത്രം തിയേറ്ററില്‍ എത്തും. മോഹന്‍ലാലിനൊപ്പം വന്‍ താരനിരയും ചിത്രത്തില്‍ അണിനിരക്കുന്നു.