തിരുവനന്തപുരം: നടൻ അലന്സിയറില് നിന്ന് ലൈംഗികാതിക്രമം നേരിടേണ്ടി വന്നത് തനിക്കാണെന്ന വെളിപ്പെടുത്തലുമായി നടി ദിവ്യ ഗോപിനാഥ്. ഫെയ്സ്ബുക്ക് ലൈവിലൂടെയാണ് ദിവ്യ തനിക്കേറ്റ അപമാനം നേരിട്ട് തന്നെ വ്യക്തമാക്കി. കഴിഞ്ഞ ദിവസമാണ് പേര് വെളിപ്പെടുത്താതെ അലൻസിയർക്കെതിരേ മീടൂ ക്യാമ്പയ്നിന്റെ ഭാഗമായി നടി ആരോപണം ഉന്നയിച്ചത്.
തന്റെ നാലാമത്തെ ചിത്രത്തിലാണ് അലന്സിയറുമായി ഒന്നിക്കേണ്ടി വന്നതെന്നും പ്രസ്തുത ചിത്രത്തിന്റെ സെറ്റില് വെച്ചായിരുന്നു ലൈംഗികാക്രമണം നേരിട്ടതെന്നും ദിവ്യ നേരത്തെ പേരു പറയാതെ വെളിപ്പെടുത്തിയിരുന്നു. എന്നാല് പേരു വെളിപ്പെടുത്താതെയുള്ള ആരോപണം അടിസ്ഥാനമില്ലാത്തതാണെന്ന് വ്യാപകമായ രീതിയില് ആക്ഷേപിക്കപ്പെട്ടതോടെയാണ് ആ നടി താനാണെന്ന് വെളിപ്പെടുത്തലുമായി ദിവ്യ ഗോപിനാഥ് ഫേസ്ബുക്ക് ലൈവില് എത്തിയത്.
സിനിമ മേഖലയില് നിന്ന് ലഭിച്ച തിക്തമായ അനുഭവങ്ങളെക്കുറിച്ച് സ്വത്വം വെളിപ്പെടുത്താതെ തുറന്നു പറഞ്ഞപ്പോള് കുറ്റപ്പെടുത്തിയ ആളുകളോടാണ് എനിക്ക് പറയാനുള്ളത്. അവള് കടന്നുപോയ ഭീകരമായ വിഷമത്തിനിടയില് നിന്നും തുറന്നു പറയുമ്പോള് നിങ്ങള് അവള്ക്കൊപ്പം നില്ക്കുമോ. ആ പ്രതിസന്ധി അതിജീവിക്കാന് ഏറെ കഷ്ടപ്പാടുകള് അവള് അഭിമുഖീകരിക്കേണ്ടി വന്നിട്ടുണ്ട്. വീട്ടുകാരുടേയും സഹോദരങ്ങളുടേയും അടുത്ത സുഹൃത്തുക്കളോട് പോലും തുറന്നു പറയാന് കഴിയാത്ത സാഹചര്യം അവള് നേരിട്ടിട്ടുണ്ട്.
അവള് സുഖിച്ചിട്ട് ഇപ്പോള് വെളിപ്പെടുത്തുകയല്ലേ എന്ന് ആക്ഷേപിക്കുന്നവരോട് പറയാനുള്ളത് ഒരു തരത്തിലും വഴങ്ങി നിന്നിട്ടില്ലെന്ന് ദിവ്യ പറയുന്നു. നിന്നു കൊടുത്തിട്ടില്ല എന്ന ധൈര്യത്തില് തന്നെയാണ് എഴുതിയത്. പിന്നെ എന്തുകൊണ്ട് ഇത്ര കഷ്ടപ്പെട്ട് സിനിമയില് അഭിനയിക്കുന്നതെന്നാണ് ചോദിക്കുന്നത്. പിജി പഠനം പൂര്ത്തിയാക്കിയ ആളാണ് ഞാന്. എനിക്ക് ഏറ്റവും അധികം സന്തോഷം നല്കുന്ന തൊഴിലാണ് അഭിനയം. അതുകൊണ്ടാണ് അഭിനയിക്കാന് ഇഷ്ടപ്പെടുന്നത്.
പലരോടും താന് പെണ്കുട്ടികളെ ഉപയോഗിക്കാറുണ്ടെന്ന് അലന്സിയര് പറഞ്ഞത് അറിഞ്ഞപ്പോള് അലന്സിയറോട് സംഭവിച്ച കാര്യങ്ങളെക്കുറിച്ച് ചോദിച്ചിരുന്നു. അന്ന് തന്നോട് അലന്സിയര് മാപ്പ് പറഞ്ഞിരുന്നു. അറിയാതെ സംഭവിച്ചതാണെന്നും ഒരിക്കലും ആവര്ത്തിക്കില്ലെന്നും അലന്സിയര് പറഞ്ഞപ്പോള് അയാളുടെ പ്രായത്തെ ബഹുമാനിച്ചാണ് കൂടുതല് നടപടികളിലേക്ക് കടക്കാതിരുന്നത്. എന്നാല് മറ്റുപല സെറ്റുകളിലും അലന്സിയര് പെണ്കുട്ടികളോട് ഇങ്ങനെ തന്നെ പെരുമാറുന്നുണ്ടെന്നാണ് അറിയാന് കഴിഞ്ഞത്.
ശക്തമായി പ്രതികരിച്ചെങ്കിലും അന്ന് താന് നേരിട്ട ആ സംഘര്ഷം എന്താണെന്ന് അലന്സിയര് മനസിലാക്കാന് വേണ്ടിയാണ് തുറന്ന് എഴുതിയത്. ഞാന് അംഗമല്ലാത്ത താര സംഘടനയായ അമ്മയ്ക്ക് പരാതി നല്കിയാല് അമ്മ എന്റെയൊപ്പം നില്ക്കുമെന്ന് ഉറപ്പില്ലായിരുന്നു. അവരുടെ അംഗമായ ഒരു കുട്ടിക്ക് നേരിട്ട പ്രശ്നത്തില് അമ്മയുടെ നിലപാട് കൃത്യമായി അറിയുന്ന ഒരാളാണ് ഞാന്. അതുകൊണ്ടാണ് തുറന്നെഴുതിയത്. ഇത് ഡബ്ല്യുസിസിയുടെ പദ്ധതിയാണെന്നാണ് ചിലര് ആരോപിക്കുന്നത്. എന്നാല് എനിക്ക് സംഭവിച്ച കാര്യമാണ് എഴുതിയതെന്നും ദിവ്യ ഫേസ്ബുക്ക് ലൈവില് വ്യക്തമാക്കി.
പലരോടും താന് പെണ്കുട്ടികളെ ഉപയോഗിക്കാറുണ്ടെന്ന് അലന്സിയര് പറഞ്ഞത് അറിഞ്ഞപ്പോള് അലന്സിയറോട് സംഭവിച്ച കാര്യങ്ങളെക്കുറിച്ച് ചോദിച്ചിരുന്നു. അന്ന് തന്നോട് അലന്സിയര് മാപ്പ് പറഞ്ഞിരുന്നു. അറിയാതെ സംഭവിച്ചതാണെന്നും ഒരിക്കലും ആവര്ത്തിക്കില്ലെന്നും അലന്സിയര് പറഞ്ഞപ്പോള് അയാളുടെ പ്രായത്തെ ബഹുമാനിച്ചാണ് കൂടുതല് നടപടികളിലേക്ക് കടക്കാതിരുന്നത്. എന്നാല് മറ്റുപല സെറ്റുകളിലും അലന്സിയര് പെണ്കുട്ടികളോട് ഇങ്ങനെ തന്നെ പെരുമാറുന്നുണ്ടെന്നാണ് അറിയാന് കഴിഞ്ഞത്.
ശക്തമായി പ്രതികരിച്ചെങ്കിലും അന്ന് താന് നേരിട്ട ആ സംഘര്ഷം എന്താണെന്ന് അലന്സിയര് മനസിലാക്കാന് വേണ്ടിയാണ് തുറന്ന് എഴുതിയത്. ഞാന് അംഗമല്ലാത്ത താര സംഘടനയായ അമ്മയ്ക്ക് പരാതി നല്കിയാല് അമ്മ എന്റെയൊപ്പം നില്ക്കുമെന്ന് ഉറപ്പില്ലായിരുന്നു. അവരുടെ അംഗമായ ഒരു കുട്ടിക്ക് നേരിട്ട പ്രശ്നത്തില് അമ്മയുടെ നിലപാട് കൃത്യമായി അറിയുന്ന ഒരാളാണ് ഞാന്. അതുകൊണ്ടാണ് തുറന്നെഴുതിയത്. ഇത് ഡബ്ല്യുസിസിയുടെ പദ്ധതിയാണെന്നാണ് ചിലര് ആരോപിക്കുന്നത്. എന്നാല് എനിക്ക് സംഭവിച്ച കാര്യമാണ് എഴുതിയതെന്നും ദിവ്യ ഫേസ്ബുക്ക് ലൈവില് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
