ആരാധകർക്ക് സർപ്രൈസുമായി വിജയ് ആന്റണി; ജന്മദിനത്തിൽ പുതിയ ചിത്രത്തിന്റെ പ്രഖ്യാപനം, ഒരുങ്ങുന്നത് പിച്ചൈക്കാരൻ 2 

ജന്മദിനത്തിൽ ആരാധകർക്ക് സർപ്രൈസുമായി തമിഴ് നടൻ വിജയ് ആന്റണി. പുതിയ ചിത്രത്തിന്റെ പോസ്റ്റർ പുറത്തുവിട്ടിരിക്കുകയാണ് നടൻ. പിച്ചൈക്കാരൻ 2 ആണ് അണിയറയിൽ ഒരുങ്ങുന്നത്. 

താരത്തിന്റെ 45-ാം ജന്മദിനത്തോട് അനുബന്ധിച്ചാണ് ചിത്രത്തിന്റെ പ്രഖ്യാപനം. നടൻ ആദ്യമായി തിരക്കഥയൊരുക്കുന്ന ചിത്രം എന്ന പ്രത്യേകതയും ഈ സിനിമയ്ക്കുണ്ട്. ദേശീയ പുരസ്കാര ജേതാവ് പ്രിയ കൃഷ്ണസ്വാമിയാണ് ചിത്രം സംവിധാനം ചെയ്യുന്നത്. വിജയ് ആന്റണി പ്രൊഡക്ഷൻസ് നിർമിക്കുന്ന ചിത്രത്തിന് സം​ഗീതം നൽകുന്നതും വിജയ് ആന്റണി തന്നെയാണ്. 

2016 ൽ പുറത്തിറങ്ങിയ പിച്ചൈക്കാരൻ എന്ന ചിത്രത്തിന്റെ രണ്ടാം ഭാ​ഗമാണിത്. ചിത്രം തെലുങ്കിലേക്കും റീമെയ്ക്ക് ചെയ്തിരുന്നു.