കേരളത്തിലെ ശ്രദ്ധേയ വനിത സംരംഭകത്വ അവാര്‍ഡിന് അർഹയായ പൂർണിമ ഇന്ദ്രജിത്തിന് അഭിനന്ദനവുമായി നടനും പൂർണിമയുടെ ഭർത്താവുമായ ഇന്ദ്രജിത്ത്. ഭാര്യയുടെ നേട്ടത്തിൽ അഭിമനിക്കുന്നു എന്ന് കുറിച്ച ഇന്ദ്രജിത് ഇത് പൂർണിമയുടെ ദൃഢവിശ്വാസത്തിനും കഠിനാധ്വാനത്തിനും കിട്ടിയ അംഗീകാരമാണെന്ന് പറഞ്ഞു. പൂർണിമയ്ക്കൊപ്പം പുരസ്കാരം നേടിയ ശ്രുതി ഷിബുലാൽ, ഷീല ജയിംസ് എന്നിവരെ അഭിനന്ദിക്കാനും താരം മറന്നില്ല.
സിനിമാ താരം, ടെലിവിഷന്‍ അവതാരക എന്നീ നിലകളില്‍ നിന്നും സംരംഭയായി മാറിയ റോള്‍ മോഡലായാണ് പൂര്‍ണിമയുടെ പുരസ്കാര നേട്ടം. 2013ല്‍ പൂര്‍ണിമ സ്ഥാപിച്ച 'പ്രാണ' എന്ന സ്ഥാപനം നേടിയെടുത്ത ശ്രദ്ധയും പാശ്ചാത്യ ട്രെന്റിനൊപ്പം കേരള കൈത്തറിയിലും നടത്തിയ ഫാഷൻ പരീക്ഷണങ്ങൾ നേട്ടത്തിന് കാരണമായി. പ്രളയകാലത്ത് ദുരിതത്തിലകപ്പെട്ട നെയ്ത്തുകാരെ പുനരുജ്ജീവിപ്പിക്കാന്‍ 'സേവ് ദി ലൂം' എന്ന കൂട്ടായ്മ രൂപീകരിച്ചതും അവാർഡ് നേട്ടത്തിൽ നിർണായകമായി.
താമര എന്ന ബ്രാൻഡിന്റെ വളർച്ചയാണ് ശ്രുതി ഷിബുലാലിനെ ഈ നേട്ടത്തിലേക്ക് എത്തിച്ചത്. സറീന ബോട്ടീക്കിലൂടെ ഷീല ജയിംസും അംഗീകാരം സ്വന്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
