ഇത്ര കാലം എവിടെയായിരുന്നു: മീര ജാസ്മിന്റെ പുതിയ ഫോട്ടോ കണ്ട് ആരാധകര്‍ ചോദിക്കുന്നു

മീര ജാസ്മിനെ അത്ര പെട്ടെന്നൊന്നും ആരാധകര്‍ക്ക് മറക്കാനാവില്ല. മലയാള സിനിമയ്ക്ക് ഒത്തിരി നല്ല സിനിമകള്‍ സമ്മാനിച്ച നടി പെട്ടെന്ന് ചലച്ചിത്രലോകത്ത് നിന്ന് അപ്രത്യക്ഷയാവുകയായിരുന്നു. സമൂഹമാധ്യമങ്ങളില്‍ പോലും നടി അത്ര കണ്ട് സജീവമല്ല. ഇപ്പോള്‍ മീരയുടെ സമൂഹമാധ്യമത്തിലെ ഒരു ഫോട്ടോ കണ്ട് ആവേശത്തിലായിരിക്കുകയാണ് പ്രോക്ഷകര്‍.

സംവിധായകനും തിരക്കഥാകൃത്തുമായ അരുണ്‍ ഗോപിയുമൊത്തുള്ള മീരയുടെ ചിത്രങ്ങളാണ് സമൂഹമാധ്യമങ്ങളില്‍ തരംഗമാകുന്നത്. നമ്മുടെ ആത്മാര്‍ഥ സുഹൃത്തുക്കള്‍ക്കൊപ്പം സമയം ചിലവിടുന്നതാണ് ജീവിതത്തില്‍ ഏറ്റവും നല്ല കാര്യമമെന്ന് അരുണ്‍ ഗോപി ചിത്രത്തിനൊപ്പം കുറിച്ചിട്ടുണ്ട്. 

ഇരുവരും ദുബായില്‍ വച്ചാണ് കണ്ടു മുട്ടിയത്. മീരയുടെ പുതിയ ചിത്രം കണ്ട് അതിശയിച്ചിരിക്കുകയാണ് ആരാധകര്‍. മെലിഞ്ഞ് സ്‌ളിം ബ്യൂട്ടിയായ മീര സിനിമയിലേക്ക് തിരിച്ചു വരവിനു തയ്യാറെടുക്കുകയാണെന്ന് സൂചനകളുണ്ട്. മലയാളത്തില്‍ നിരവധി ഹിറ്റ് ചിത്രങ്ങളില്‍ അഭിനയിച്ച മീര ഒരു കാലഘട്ടത്തില്‍ തമിഴ്, കന്നഡ, തെലുങ്ക് ഭാഷകളിലും ഏറെ സജീവമായിരുന്നു.