ഇൻ ഹരിഹർ ന​ഗറിൽ സുരേഷ് ​ഗോപിക്കൊപ്പം സൗബിനും! വൈറലായി ഓർമ്മച്ചിത്രം

ഇന്നും മലയാളികളുടെ മനസിൽ നിറഞ്ഞുനിൽക്കുന്ന ചിത്രമാണ് ഇൻ ഹരിഹർന​ഗർ. മുകേഷും ജ​ഗദീഷും സിദ്ധിഖും അശോകനും കൊളുത്തിവിട്ട ചിരിപ്പൂരം ഇപ്പോഴും ആരാധകരെ ചിരിപ്പിക്കാറുണ്ട്. എന്നാൽ നമ്മളൊന്നും അറിയാതെ അണിയറയിൽ പ്രവർത്തിച്ച ഒരു യുവതാരത്തെ പറ്റിയാണ് ഇപ്പോൾ സോഷ്യൽ മീഡിയ ചർച്ച ചെയ്യുന്നത്. മലയാളികളുടെ പ്രിയപ്പെട്ട നടനും സംവിധായകനുമായ സൗബിൻ ഷാഹിറാണ് ആ താരം.  

ഇൻ ഹരിഹർ ന​ഗറിന്റെ സെറ്റിൽ സുരേഷ് ​ഗോപിക്കൊപ്പം ഇരിക്കുന്ന കുഞ്ഞ് സൗബിനും സഹോദരൻ ഷാബിൻ ഷാഹിറുമാണ് ചിത്രത്തിൽ. സിനിമയിലെ അതേ ലുക്കിലാണ് സുരേഷ് ഗോപി. ചിത്രത്തിന്റെ ഓർമയിൽ ഷാബിനാണ് ചിത്രം പങ്കുവെച്ചത്.  ഓർമകൾ എന്ന ഹാഷ്ടാ​ഗിലാണ് ചിത്രം. സിനിമാ മേഖലയിൽ സജീവമായിരുന്ന സൗബിന്റെ പിതാവ് സാബു സാഹിർ  ഇൻ ഹരിഹർ നഗറിന്റെ പിന്നണിയിലും പ്രവർത്തിച്ചിരുന്നു. 

സിദ്ദിഖ്- ലാൽ കൂട്ടുകെട്ടിൽ ഒരുങ്ങിയ ഇൻ ഹരിഹർ ന​ഗർ മലയാളത്തിലെ എക്കാലത്തേയും വലിയ ഹിറ്റുകളിൽ ഒന്നാണ്. 1990 ൽ ആയിരുന്നു റിലീസ്. സിദ്ദിഖ്, മുകേഷ്, ജഗദീഷ്, അശോകൻ എന്നിവർക്കൊപ്പം സുരേഷ് ​ഗോപിയും സായിക്കുമാറും പ്രധാന വേഷത്തിൽ എത്തിയിരുന്നു.