ഈ രം​ഗം ചിത്രീകരിച്ചത് സംഘട്ടന സംവിധായകന്റെ സഹായമില്ലാതെ (വീഡിയോ)

കൊച്ചി: പൃഥ്വിരാജിന്റെ ആ​ദ്യ സംവിധാന സംരഭമായിരുന്നു ലൂസിഫർ. മോഹൻലാൽ നായകനായി എത്തിയ സിനിമ വൻ വാണിജ്യ വിജയമാണ് നേടിയത്. മോഹൻലാൽ ഫാൻസ് വൻ ആഘോഷമാക്കിയാണ് ചിത്രം കൊണ്ടാടിയത്. 

ലൂസിഫറിലെ ഓരോ രംഗങ്ങളും തിയറ്ററുകളെ പ്രകമ്പനം കൊള്ളിക്കുന്നതായിരുന്നു. അതിൽ തന്നെ ഏറ്റവും കൂടുതൽ കൈയടി കിട്ടിയ സീനായിരുന്നു മോഹന്‍ലാല്‍ പൊലീസ് ഓഫീസറുടെ നെഞ്ചില്‍ ചവിട്ടി നില്‍ക്കുന്ന രംഗം. ജോണ്‍ വിജയ് അവതരിപ്പിച്ച മയില്‍ വാഹനം എന്ന പൊലീസ് ഓഫീസര്‍ നായകനെ അറസ്റ്റ് ചെയ്തു കൊണ്ടു പോകുന്ന രംഗത്തിലായിരുന്നു മോഹൻലാലിന്റെ ഈ പ്രകടനം. 

ഇപ്പോഴിതാ ഇതിന്റെ പിന്നാമ്പുറ ദൃശ്യങ്ങള്‍ അണിയറ പ്രവര്‍ത്തകര്‍ പുറത്തു വിട്ടു. സംഘട്ടന സംവിധായകന്റെ സഹായമില്ലാതെയാണ് പൃഥ്വിരാജ് ഈ രംഗം ഷൂട്ട് ചെയ്തത്. ചിത്രത്തിന്റെ അണിയറ ദൃശ്യങ്ങള്‍ ഉള്‍പ്പെടുത്തിയുള്ള സെഗ്‌മെന്റുകള്‍ നേരത്തേയും പുറത്തു വന്നിരുന്നു.