ആസിഡ് ആക്രമണത്തെ അതിജീവിച്ച പല്ലവി രവീന്ദ്രനായി പാര്‍വതി നിറഞ്ഞാടിയ ഉയരെയെ പ്രശംസിച്ച് തെന്നിന്ത്യന്‍ നടി സാമന്ത അക്കിനേനി. തന്റെ ട്വിറ്ററിലൂടെയാണ് സാമന്ത ഉയരേയേയും പാര്‍വതിയേയും വാനോളം പുകഴ്ത്തിയത്. ചിത്രം കാണണമെന്നും ഗംഭീരസിനിമയാണെന്നുമാണ് താരം കുറിച്ചത്. കൂടാതെ സംവിധായകന്‍ മനു അശോകനേയും തിരക്കഥ ഒരുക്കിയ ബോബി സഞ്ജയ്‌നേയും പ്രശംസിക്കാനും സാമന്ത മറന്നില്ല.
' ഉയരെ.. പോയി കാണുക തന്നെ വേണം.. അത് നിങ്ങളെ കോപത്തിലാഴ്ത്തും, കരയിക്കും, ചിന്തിപ്പിക്കും, സ്‌നേഹിക്കാന്‍ പ്രേരിപ്പിക്കും.. നിങ്ങളില്‍ പ്രതീക്ഷ നിറയ്ക്കുകയും പ്രചോദനമാവുകയും ചെയ്യും. നന്ദി പാര്‍വതി. നിങ്ങള്‍ ഞങ്ങളുടെ അഭിമാനമാണ്. സംവിധായകന്‍ മനുവും എഴുത്തുകാരായ ബോബി സഞ്ജയും ചേര്‍ന്ന് ഗംഭീര വര്‍ക്കാണ് ചെയ്തത്.' സാമന്ത കുറിച്ചു.
നീണ്ട ഇടവേളയ്ക്ക് ശേഷം പുറത്തിറങ്ങിയ പാര്‍വതിയുടെ ചിത്രം മികച്ച പ്രതികരണമാണ് നേടിയത്. ആസിഫ് അലി, ടൊവിനോ തോമസ്, സിദ്ധിഖ് തുടങ്ങിയവരും മികച്ച പ്രകടനമാണ് കാഴ്ചവെച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
