'എനിക്ക് മുയൽപല്ലുകൾ ഉണ്ടായിരുന്ന കാലം'; കുട്ടിക്കാല ചിത്രങ്ങളുമായി താരസുന്ദരി 

മുയൽപല്ല് കാട്ടി ചിരിച്ചുനിൽക്കുന്ന താരസുന്ദരിയുടെ കുട്ടിക്കാല ചിത്രമാണ് ഇൻസ്റ്റ​ഗ്രാമിൽ വൈറലാകുന്നത്. ബോളിവുഡ് താരം ശ്രദ്ധ കപൂറാണ് ലോക്ക്ഡൗൺ കാലത്ത് ത്രോബാക്ക് ചിത്രങ്ങളുമായി എത്തിയിരിക്കുന്നത്. 

'എനിക്ക് മുയലിന്റേതുപോലെ പല്ലുകൾ ഉണ്ടായിരുന്ന കാലം', എന്ന് കുറിച്ചാണ് താരം ചിത്രം പങ്കുവച്ചത്. പല്ലിൽ കമ്പി ഇടുന്നതിന് മുമ്പുള്ള ചിത്രമാണെന്ന് ഹാഷ്ടാ​ഗിലൂടെ ശ്രദ്ധ വ്യക്തമാക്കി. സെലബ്രിറ്റികൾ അടക്കം നിരവധിയേറെ പേരാണ് ചിത്രത്തിന് ലൈക്കുമായി എത്തിയിരിക്കുന്നത്.

ഇതിനുമുൻപും തന്റെ കുട്ടിക്കാലചിത്രങ്ങൾ ശ്രദ്ധ ആരാധകരുമായി പങ്കുവച്ചിട്ടുണ്ട്. ലോക്ക്ഡൗൺ നാളിൽ വീട്ടിലിരുന്നു വ്യായാമം ചെയ്യുന്നതിന്റെ വിഡിയോകളും ദിവസങ്ങളിൽ താരം ഇൻസ്റ്റ​​ഗ്രാമിലൂടെ പങ്കുവച്ചു. 

ബോളിവുഡ് നടൻ ശക്തി കപൂറിന്റെ മകളായ ശ്രദ്ധ ‘തീൻ പത്തി’ എന്ന ചിത്രത്തിലൂടെയാണ് സിനിമാലോകത്തേക്കെത്തിയത്.  ‘ലവ് കാ ദ എൻഡ്’ എന്ന സിനിമയിൽ ആദ്യമായി നായികയായ താരം 2013ൽ പുറത്തിറങ്ങിയ ‘ആഷിഖി 2’ ഹിറ്റായതോടെയാണ് ശ്രദ്ധനേടിയത്. പ്രഭാസ് നായകനായ ‘സാഹോ’ ആയിരുന്നു ശ്രദ്ധയുടെ അവസാനചിത്രം.