കൊച്ചി: ഫോണിലൂടെ അശ്ലീലചുവയോടെ സംസാരിച്ചെന്ന ദലിത് ആക്ടിവിസ്റ്റിന്റെ പരാതി തെളിയിച്ചാല് തന്നെ ശിക്ഷിക്കാമെന്ന് നടന് വിനായകന്. ടൈംസ് ഓഫ് ഇന്ത്യക്ക് നല്കിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്. 'എനിക്ക് ഒന്നും പറയാനില്ല. അവള് എന്താണോ ചെയ്യുന്നത് അത് പൂര്ത്തിയാക്കാന് അവളെ അനുവദിക്കൂ. എനിക്ക് എന്താണ് സംഭവിച്ചതെന്ന് പോലും അറിയില്ല. എന്നെ വിളിക്കുന്നവരുടെ കോളുകള് ഞാന് റെക്കോര്ഡ് ചെയ്യാറില്ല. ഇതെന്നെ സംബന്ധിച്ചതാണെന്ന് എനിക്ക് തോന്നുന്നേ ഇല്ല. അവരുടെ കയ്യില് തെളിവുണ്ടെങ്കില് ഞാനാണ് അത് ചെയ്തതെന്ന് അവര്ക്ക് അത് തെളിയിക്കാന് സാധിക്കുമെങ്കില്, എന്നെ ശിക്ഷിക്കാം, അറസ്റ്റ് ചെയ്യാം ജയിലിലിടാം. അത്ര തന്നെ,' വിനായകന് പറഞ്ഞു.
വിനായകനെ ഫോണില് വിളിച്ചപ്പോള് ലൈഗിക ചുവയോടെ സംസാരിച്ചെന്നാണ് പരാതി. സംഭവത്തില് കല്പ്പറ്റ പോലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു. സ്ത്രീയോട് മോശമായി സംസാരിച്ചുവെന്നതടക്കം നാല് വകുപ്പുകളാണ് നടനെതിരെ ചുമത്തിയത്. ഐപിസി 509, 294 ബി, കെപിഎ 120 തുടങ്ങിയ വകുപ്പുകളാണ് ചുമത്തിയിരിക്കുന്നത്.
യുവതിയുടെ വീട്ടിലെത്തി പോലീസ് മൊഴി രേഖപ്പെടുത്തി. കേട്ടാലറയ്ക്കുന്ന ഭാഷയില് വിനായകന് തന്നോട് സംസാരിച്ചെന്നാണ് യുവതി മൊഴി നല്കിയത്. ഇതിന്റെ ഫോണ് രേഖകളും തെളിവായി നല്കി. ഫോണ് സംഭാഷണത്തിന്റെ കൂടുതല് തെളിവുകള് സൈബര്സെല് വഴി ശേഖരിക്കുന്നുണ്ട്. വിനായകനില് നിന്നുണ്ടായ മോശം പെരുമാറ്റത്തെകുറിച്ച് യുവതി ഫേസ്ബുക്കില് വെളിപ്പെടുത്തിയത് സമൂഹമാധ്യമങ്ങളില് വലിയ ചര്ച്ചയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
