ആനന്ദ് എല്‍ റായിയുടെ സീറോ എന്ന ചിത്രത്തിനായുള്ള ഷൂട്ടിംഗിലാണ് ബോളിവുഡ് കിംഗ് ഖാനും താരസുന്ദരികളായ അനുഷ്‌ക ശര്‍മയും കത്രീന കൈഫും. സീറോയുടെ ഷൂട്ടിംഗ് ഇടവേളകള്‍ മൂവരും ചേര്‍ന്ന് ആഘോഷിക്കുകയാണെന്നാണ് താരങ്ങള്‍ തന്നെ പങ്കുവയ്ക്കുന്ന ചിത്രങ്ങള്‍ പറയുന്നത്. ഷാറൂഖ് ഖാന്‍ പങ്കുവച്ച് ഏറ്റവും പുതിയ ചിത്രത്തില്‍ കത്രീനയും അനുഷ്‌കയും ഒന്നിച്ച് ഒരു റിക്ഷാ സഫാരിയിലാണ് റിക്ഷ ഓടിക്കുന്നതാകട്ടെ സാക്ഷാല്‍ കിംഗ് ഖാനും. എറ്റവും മനോഹരമായ ഓര്‍മകള്‍ ഭ്രാന്തന്‍ ആശയങ്ങളില്‍ നിന്നാണ് ഉണ്ടാകുന്നതെന്നതെന്ന് ഷാറൂഖ് ചിത്രത്തിന് അടിക്കുറിപ്പും നല്‍കിയിരിക്കുന്നു.
സീറോയുടെ ടീസര്‍ പുറത്തുവിട്ടപ്പോള്‍ ചിത്രത്തിലെ ഷാറൂഖിന്റെ കഥാപാത്രം ഏവരെയും വിസ്മയിപ്പിച്ചിരുന്നു. കുള്ളന്‍ വേഷത്തിലാണ് ഷാറൂഖ് ചിത്രത്തിലെത്തുക. ഒരു മരത്തിന്റെ പ്ലാറ്റ്‌ഫോമിലെ തൂളകളില്‍ ഇറങ്ങി നിന്നാണ് ഷാറൂഖ് കഥാപാത്രത്തെ അവതരിപ്പിക്കുക. ചിത്രത്തില്‍ വിഎഫ്എക്‌സിനും കാര്യമായ പങ്കുണ്ട്. ഷാറൂഖിന്റെ ഏറ്റവും മികച്ച വേഷങ്ങളൊന്നായിരിക്കും സീറോയിലേതെന്നാണ് കരുതപ്പെടുന്നത്. ഗൗരി ഖാന്‍ നിര്‍മിക്കുന്ന ചിത്രത്തില്‍ റെഡ് ചില്ലീസ് എന്റര്‍ടെയിന്‍മെന്റും കളര്‍ യെല്ലോ പ്രൊഡക്ഷന്‍സും ഭാഗമാകും. ഡിസംബര്‍ 21ന് ചിത്രം റിലീസിനെത്തുമെന്നാണ് കരുതപ്പെടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
