അന്തരിച്ച നടി ശ്രീദേവിയുടെ മകള് ജാന്വി കപൂറിന്റെ ഫോട്ടോഷൂട്ട് വൈറലാവുകയാണ്. ഫോട്ടോ വൈറലാകുന്നതിന് പിന്നിലൊരു കാരണമുണ്ട്. പുതിയ ഫോട്ടോയില് മകള് അമ്മയെപ്പോലെത്തന്നെയുണ്ട് എന്നാണ് ആരാധകര് പറയുന്നത്. നില്പ്പിലും നോട്ടത്തിലും പോലും ജാന്വി ശ്രീദേവിയെ ഓര്മ്മിപ്പിക്കുന്നു.
സബ്യസാചിയുടെ ഇരുപതാം വാര്ഷികത്തോട് അനുബന്ധിച്ച് നടത്തിയ ഫോട്ടോ ഷൂട്ട് ആയിരുന്നു. ചുവന്ന സില്ക്കിന്റെ വസ്ത്രമായിരുന്നു ജാന്വി ധരിച്ചിരുന്നത്. ഏകദേശം ഇതുപോലെയുള്ള ചുവന്ന വസ്ത്രമണിഞ്ഞ് ശ്രീദേവി നില്ക്കുന്നതായുള്ള ഒരു ഫോട്ടോയുണ്ട്. ശ്രീദേവിയുടെ ചെറുപ്പകാലത്തെ ഫോട്ടോയായിരുന്നു അത്. ഈ ചിത്രം അതുപോലെയുണ്ടെന്നാണ് ചില ആരാധകര് പറയുന്നത്.
ആറ് ലക്ഷത്തിനടുത്താണ് ജാന്വിയുടെ പുതിയ ചിത്രങ്ങള്ക്ക് ലഭിച്ച ലൈക്കുകള്. കമന്റുകളില് കൂടുതല് പേരും പറഞ്ഞിരിക്കുന്നത് അമ്മ ശ്രീദേവിയുമായുള്ള രൂപ സാദൃശ്യത്തെ കുറിച്ചാണ്. 'ശ്രീദേവിയെ മുറിച്ചു വച്ചതു പോലെ', 'ആദ്യ കാഴ്ചയില് ശരിക്കും ശ്രീദേവിയാണെന്നു കരുതി', 'ശ്രീദേവിയെ പോലെ തന്നെയുണ്ട്' തുടങ്ങി നിരവധി കമന്റുകള് ചിത്രങ്ങള്ക്കു താഴെയുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
