ഫഹദ് ഫാസിലിനെ നായകനാക്കി സത്യന് അന്തിക്കാട് ഒരുക്കുന്ന ഞാന് പ്രകാശന് എന്ന സിനിമയുടെ പുതിയ പോസ്റ്റര് പുറത്തുവിട്ടു. ആദ്യത്തേത് ബൈക്കില് നിന്നുള്ള അഭ്യാസമാണെങ്കില് ഇത്തവണ താരം പട്ടിയാണ്. കുരച്ച് ചാടി വരുന്ന പട്ടിയെ കണ്ട് ഓടുന്ന നായകനെയാണ് പോസ്റ്ററില് കാണുന്നത്. സത്യന് അന്തിക്കാടാണ് തന്റെ ഫേയ്സ്ബുക് പേജിലൂടെ പോസ്റ്റര് പുറത്തുവിട്ടത്.
'കുരച്ചു ചാടി ഒരു കൂറ്റന് നായ പുറകെ വന്നാല് ഏത് സൂപ്പര്സ്റ്റാറും ജീവനും കൊണ്ട് ഓടും, പിന്നെയല്ലേ പ്രകാശന്' എന്ന കുറിപ്പിലാണ് സത്യന് അന്തിക്കാട് പോസ്റ്റര് പുറത്തുവിട്ടിരിക്കുന്നത്. ചിത്രത്തിന്റെ പോസ്റ്ററുകളെല്ലാം ആരാധകരുടെ ആകാംക്ഷ ഉയര്ത്തിയിരിക്കുകയാണ്.
16 വര്ഷങ്ങള്ക്ക് ശേഷം സത്യന് അന്തിക്കാട് ശ്രീനിവാസന് കൂട്ടുകെട്ടില് ഒരുങ്ങുന്ന ചിത്രമാണിത്. ഒരു ഇന്ത്യന് പ്രണയകഥയ്ക്ക് ശേഷം സത്യന് അന്തിക്കാടും ഫഹദ് ഫാസിലും ഒന്നിക്കുന്ന ചിത്രം എന്ന പ്രത്യേകതയും ഇതിനുണ്ട്. ഫുള് മൂണ് സിനിമയുടെ ബാനറില് സേതു മണ്ണാര്ക്കാടാണ് ചിത്രം നിര്മിക്കുന്നത്. എസ്. കുമാറാണ് ക്യാമറ. പ്രകാശന് എന്ന പേര് ഗസറ്റില് പരസ്യം ചെയ്ത് മാറ്റി ആകാശ് എന്നാക്കുന്ന ഒരു യുവാവിന്റെ കഥയാണ് ചിത്രത്തില് പറയുന്നത്. നിഖില വിമല് നായികയാവുന്ന ചിത്രത്തില് ശ്രീനിവാസനും പ്രധാന വേഷത്തില് എത്തുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
