ചെന്നൈ: നടി ജയഭാരതിയുടെയും പരേതനായ നടന്‍ സത്താറിന്റയും മകന്‍ ഉണ്ണികൃഷ്ണന്‍ സത്താര്‍ വിവാഹിതനായി. സോനാലി നബീല്‍ ആണ് വധു. ചെന്നൈയില്‍ വച്ചായിരുന്നു വിവാഹം.
മമ്മൂട്ടി, സുരേഷ് ഗോപി, ഖുശ്ബു, സുരേഷ് കുമാര്‍, വിധു ബാല, കെ.പിഎ.സി ലളിത തുടങ്ങിയ നിരവധി പ്രമുഖര്‍ ചടങ്ങില്‍ പങ്കെടുത്തു. നിരവധി ചിത്രങ്ങളില്‍ അഭിനയിച്ച ഉണ്ണികൃഷ്ണന്‍, മികച്ച പുതുമുഖ താരത്തിനുള്ള പുരസ്‌കാരങ്ങളും സ്വന്തമാക്കിയിട്ടുണ്ട്. കൃഷ്.ജെ.സത്താര്‍ എന്ന പേരിലാണ് താരം ചലച്ചിത്ര മേഖലയില്‍ അറിയപ്പെടുന്നത്. മോഹന്‍ലാല്‍ നായകനായെത്തിയ ലേഡീസ് ആന്‍ഡ് ജെന്റില്‍മാന്‍ എന്ന ചിത്രത്തില്‍ ശ്രദ്ധേയമായ വേഷം കൈകാര്യം ചെയ്തിരുന്നു.
22 ഫീമെയില്‍ കോട്ടയം എന്ന ചിത്രത്തിന്റെ തെലുങ്കു പതിപ്പില്‍ നായകനായി അഭിനയിച്ചതും കൃഷ് സത്താര്‍ ആണ്. ബന്ധുക്കള്‍ക്കും സുഹൃത്തുക്കള്‍ക്കുമായി ഇന്ന് വൈകുന്നേരം ചെന്നൈയിലെ സ്വകാര്യ ഹോട്ടലില്‍ വിവാഹസല്‍ക്കാരം നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
