കേരളത്തെ സഹായിക്കൂ; അഭ്യര്‍ത്ഥനയുമായി നയന്‍താര

മഴക്കെടുതിയില്‍ വലയുന്ന കേരളത്തിന് വേണ്ടി സഹായം അഭ്യര്‍ത്ഥിച്ച് തെന്നിന്ത്യന്‍ താരസുന്ദരി നയന്‍താര. കേരളം വീണ്ടും പ്രളയക്കെടുതിയില്‍ വലയുകയാണെന്നും എല്ലാവരും നാടിനു വേണ്ടി പ്രാര്‍ത്ഥിക്കുകയും സഹായങ്ങള്‍ നല്‍കുകയും വേണമെന്നാണ് താരം സോഷ്യല്‍മീഡിയയില്‍ കുറിച്ചത്. കേരള ജനത വീണ്ടും കഷ്ടപ്പെടുന്നതില്‍ ദുഃഖമുണ്ടെന്നും ഇതിനെ മറികടക്കാന്‍ ഒരുമിച്ചു നില്‍ക്കണം എന്നുമാണ് നയന്‍താര കുറിക്കുന്നത്. വസ്ത്രങ്ങളായും മറ്റ് അവശ്യസാധനങ്ങള്‍ നല്‍കി കേരളത്തെ സഹായിക്കണമെന്നും താരം കുറിക്കുന്നു. 

ദുരിതത്തില്‍ പെട്ടവര്‍ക്ക് ആവശ്യമായ ഭക്ഷണവും വസ്ത്രവും താമസിക്കുന്നതിനുള്ള ഇടവും ഒരുക്കിക്കൊടുക്കണമെന്നും കേരളത്തോട് കരുണ കാട്ടണമെന്ന് ദൈവത്തോടു പ്രാര്‍ത്ഥിക്കാമെന്നും നയന്‍താര ഫേസ്ബുക്കില്‍ കുറിച്ചു. കേരളത്തിന് സഹായം ആവശ്യപ്പെട്ടുകൊണ്ടുള്ള പോസ്റ്റുകളും താരം ഷെയര്‍ ചെയ്തിട്ടുണ്ട്.