കോട്ടയം നസീര്‍ ചിത്രത്തില്‍ നായകന്‍ അപ്പാനി ശരത് 

സലിം കുമാറിനും രമേശ് പിഷാരടിക്കും പിന്നാലെ മിമിക്രി രംഗത്തുനിന്ന് സംവിധാനത്തിലേക്ക് കടക്കുകയാണ് കോട്ടയം നസീറും. ടോര്‍ച്ച് എന്ന് പേരിട്ടിരിക്കുന്ന നസീറിന്റെ ചിത്രത്തിന്‍ നായകനായി എത്തുന്നത് അംഗമാലി ഡയറീസ്, വെളിപാടിന്റെ പുസ്തകം എന്നീ ചിത്രങ്ങളിലൂടെ ശ്രദ്ധേയനായ ശരത് കുമാറാണ്. അടുത്ത വര്‍ഷം ഫെബ്രുവരിയോടെ സിനിമയുടെ ചിത്രീകരണം ആരംഭിക്കുമെന്നാണ് പ്രതീക്ഷിക്കുന്നത്.

അംഗമാലി ഡയറീസിലെ മികച്ച പ്രകടനത്തിലൂടെ പ്രേക്ഷകരുടെ മനം കവര്‍ന്ന ശരത് ഇതിനോടകം പോക്കിരി സൈമണ്‍, പൈപ്പിന്‍ ചുവട്ടിലെ പ്രണയം തുടങ്ങിയ ചിത്രങ്ങളിലും അഭിനയിച്ചിരുന്നു. വിശാല്‍ നായകനാകുന്ന 'സണ്ടകോഴി 2'-ലൂടെ തമിഴിലും ശരത് അരങ്ങേറ്റം കുറിക്കുകയാണ്.