പനാജി: നാല്‍പ്പത്തിയൊന്‍പതാമത് ഗോവ അന്തരാഷ്ട്ര ചലച്ചിത്രോത്സവത്തില്‍ മികച്ച സംവിധായകനുള്ള പുരസ്‌കാരം ലിജോ ജോസ് പെല്ലിശേരിക്ക്. ചെമ്പന്‍ വിനോദ് മികച്ച നടനായി തിരഞ്ഞെടുക്കപ്പെട്ടു. ഈ.മ.യൗവിലെ പ്രകടനത്തിനാണ് ഇരുവര്‍ക്കും പുരസ്‌കാരം.
ചിത്രത്തില്‍ ഈശി എന്ന കഥാപാത്രത്തെയാണ് ചെമ്പന്‍ വിനോദ് അവതരിപ്പിച്ചത്. വിനായകന്‍ ദിലീപ് പോത്തന്‍ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിച്ചത്.
സംസ്ഥാന ചലച്ചിത്ര പുരസ്‌കാരങ്ങളിലും ഈ.മ.യൗ നേട്ടങ്ങള്‍ കൊയ്തിരുന്നു. ലിജോ ജോസ് പെല്ലിശേരിക്ക് തന്നെയായിരുന്നു മികച്ച സംവിധായകനുള്ള സംസ്ഥാന പുരസ്‌കാരം. യുക്രേനിയന്‍ റഷ്യന്‍ ചിത്രമായ ഡോണ്‍ബാസ് മികച്ച ചിത്രമായി തെരഞ്ഞെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
