ദുൽഖർ പാടാനെത്തി ആദിയുടെ 'ഒരു സര്‍ബത്ത് കഥ'യ്ക്ക് വേണ്ടി; ഡിക്യൂ സർപ്രൈസ് എന്ന് ജയസൂര്യ 

ജയസൂര്യയുടെ മകന്‍ അദ്വൈത് വീണ്ടും സംവിധായകന്റെ തൊപ്പിയണിയുന്നു.  'ഒരു സര്‍ബത്ത് കഥ' എന്ന വെബ് സീരീസാണ് അദ്വൈത് ഒരുക്കുന്നത്. സീരീസിന്റെ ടൈറ്റിൽ ​ഗാനം ആലപിച്ചിരിക്കുന്നത് നടൻ ദുൽഖർ സൽമാനാണ്.

ജയസൂര്യയാണ് പാട്ടിന്റെയും വെബ് സീരീസിന്റെയും വിശേഷങ്ങൾ പുറത്തുവിട്ടത്. 'ഡി ക്യൂ സർപ്രൈസ്' എന്ന് കുറിച്ചാണ് ജയസൂര്യ പോസ്റ്റ് തുടങ്ങിയത്. ഇത് ആദിയുടെ സ്വപ്നമാണെന്നും അവന്റെ ആ​ഗ്രഹ‌ം സാധിച്ചതിന് ദുൽഖറിന് നന്ദി എന്നും താരം കുറിച്ചു. പാട്ടിന്റെ റെക്കോർഡിങ്ങിനിടെ പകർത്തിയ ചിത്രങ്ങളും താരം ഇതോടൊപ്പം പങ്കുവച്ചിട്ടുണ്ട്. 

ലയ കൃഷ്ണരാജ് ആണ് വരികളെഴുതുയിരിക്കുന്ന പാട്ടിന്റെ സംഗീതം കൃഷ്ണരാജ്. പാട്ട് ഉടനെ പുറത്തിറങ്ങും.