കാലിഫോര്‍ണിയ : പ്രശസ്ത ഹോളിവുഡ് നടന്‍ സ്റ്റുവര്‍ട്ട് വിറ്റ്മാന് അന്തരിച്ചു. 92 വയസ്സായിരുന്നു. ഹോളിവുഡില്‍ നൂറിലേറെ സിനിമകളില്‍ അവിസ്മരണീയ കഥാപാത്രങ്ങളിലൂടെ ശ്രദ്ധ നേടിയ താരമാണ് വിറ്റ്മാന്. വാര്‍ധക്യ സഹജമായ അസുഖങ്ങളെ തുടര്‍ന്നാണ് അന്ത്യമെന്ന് മകന്‍ ജസ്റ്റിന്‍ വിറ്റ്മാന് അറിയിച്ചു.
ദ മാര്‍ക്ക് എന്ന ചിത്രത്തിലെ മികവുറ്റ അഭിനയത്തിന് 1961 ല്‍ ഓസ്‌കര്‍ നോമിനേഷന്‍ സ്റ്റുവര്‍ട്ട് വിറ്റ്മാന് ലഭിച്ചിരുന്നു. ആക്ഷന്‍, യുദ്ധ സിനിമകളിലെ സജീവസാന്നിധ്യമായിരുന്നു. ദ ലോംഗെസ്റ്റ് ഡേ, ദോസ് മാഗ്നിഫിഷ്യന്റ് മെന്‍ ഇന്‍ ദെയര്‍ ഫ്‌ലൈയിംഗ് മെഷീന്‍സ്, ദ സൗണ്ട് ആന്റ് ഫ്യൂറി തുടങ്ങിയവ വിറ്റ്മാന്റെ ശ്രദ്ധേയ ചിത്രങ്ങളാണ്.
ഓസ്‌കര്‍ നോമിനേഷന്‍ ലഭിച്ച ദി മാര്‍ക്കില്‍ തീര്‍ത്തും അപ്രതീക്ഷിതമായാണ് വിറ്റ്മാന് സെലക്ട് ചെയ്യപ്പെടുന്നത്. ഈ റോളിലേക്ക് നിശ്ചയിച്ച റിച്ചാര്‍ഡ് ബര്‍ട്ടണ്‍ അവസാനനിമിഷം വിട്ടുപോയതോടെയാണ് വിറ്റ്മാന് എത്തുന്നത്. നിരവധി ടെലിവിഷന്‍ പരമ്പരകളിലും വിറ്റ്മാന് അഭിനയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
