നടൻ ഹേമന്ദിന്റെ വിവാഹ റിസപ്ഷനിൽ തിളങ്ങി ഭാവനയും രമ്യാനമ്പീശനും; വിഡിയോ 

യുവനടൻ ഹേമന്ദ് മേനോന്റെ വിവാഹ വിഡിയോകളാണ് ഇന്റർനെറ്റിലാ‌കെ. ഇന്നലെ ​ഗുരുവായൂരിൽ വച്ച് നടന്ന വിവാഹത്തിലും പിന്നീട് കലൂരിൽ വച്ച് നടന്ന റിസപ്ഷനിലും അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്തത്. ഡോക്ടര്‍ നിലിന മധുവിനെയാണ് ഹേമന്ദ് താലിചാര്‍ത്തിയത്.

കലൂര്‍ ഭാസ്കരീയം കൺവെൻഷൻ സെൻ്ററിൽ വച്ചായിരുന്നു റിസപ്ഷൻ. സിനിമ രം​ഗത്തുനിന്ന നടിമാരായ ഭാവന, രമ്യാ നമ്പീശൻ,ഭാമ, രജിത് മേനോൻ, മൃദുല മുരളി, ഷാലിൻ തുടങ്ങി നിരവധി താരങ്ങൾ പങ്കെടുത്തു.

2011ൽ പുറത്തിറങ്ങിയ ഫാസിൽ ചിത്രം ലിവിങ് ടു​ഗെതർ എന്ന ചിത്രത്തിലൂടെയാണ് ഹേമന്ദ് സിനിമയിലെത്തുന്നത്. പിന്നീട് നിരവധി ചിത്രങ്ങളിൽ അഭിനയിച്ച താരം ഡോക്ടർ ലവ്, ചട്ടക്കാരി, അയാളും ഞാനും തമ്മിൽ, ഓർഡിന‌റി തുടങ്ങിയ ചിത്രങ്ങളിലൂടെ ശ്രദ്ധേയനായി. കാന്താരം ആണ് ഹേമന്ദ് അഭിനയിച്ച് തീയേറ്ററുകളിലെത്തിയ ഏറ്റവും പുതിയ ചിത്രം.  തെങ്കാശിക്കാറ്റ്, കടലിന്റെ പുസ്തകം എന്നിവയാണ് അഭിനയിച്ചുകൊണ്ടിരിക്കുന്ന ചിത്രങ്ങൾ.