'നിങ്ങളുടെ നഷ്ടത്തില്‍ 50,000 രൂപ ഞാന്‍ പങ്കിടുന്നു'; നൗഷാദിന് സ്‌നേഹസമ്മാനവുമായി തമ്പി ആന്റണി 

പ്രളയ ദുരിതത്തില്‍പ്പെട്ടവര്‍ക്ക് കൈനിറയെ സഹായം നല്‍കിയ നൗഷാദ് മലയാളികള്‍ക്ക് ഇന്ന് പ്രിയങ്കരനാണ്. തനിക്കുണ്ടാകാവുന്ന നഷ്ടം പോലും കണക്കാക്കാതെയായിരുന്നു അദ്ദേഹം വില്‍ക്കാന്‍ വെച്ചിരുന്ന സാധനങ്ങള്‍ ചാക്കുകളിലാക്ക് ദുരിതാശ്വാസ ക്യാമ്പുകളിലേക്ക് നല്‍കിയത്. ആ നല്ല മനസിനെ പ്രണമിക്കുകയാണ് നിര്‍മാതാവും നടനുമായി തമ്പി ആന്റണി. നൗഷാദിന്റെ വിശാല മനസ്സിന് ഏതു കഠിനഹൃദയനും പ്രചോദനമേകുമെന്നാണ് അദ്ദേഹം ഫേയ്‌സ്ബുക്കില്‍ കുറിച്ചത്. നൗഷാദിന് 50,000 രൂപ നല്‍കുമെന്നും അദ്ദേഹം വ്യക്തമാക്കി. നൗഷാദിന്റെ ഫോണ്‍ നമ്പര്‍ ലഭിച്ചെന്നും ഉടന്‍ തന്നെ അദ്ദേഹത്തെ വിളിക്കുമെന്നും തമ്പി ആന്റണി പറഞ്ഞു. 

തമ്പി ആന്റണിയുടെ ഫേയ്‌സ്ബുക്ക് പോസ്റ്റ്

നൗഷാദ്...നൗഷാദ് ...

നിങ്ങളുടെ വിശാല മനസ്സിന് 

ഏതു കഠിനഹൃദയനും 

പ്രചോദനമേകുന്ന 

ഹൃദയ വിശാലതക്ക് 

സാഷ്ടാംഗ പ്രണാമം

നിങ്ങളുടെ നഷ്ടത്തില്‍ 50000 രൂപ ഞാന്‍ പങ്കിടുന്നു.