കൊച്ചി: നിവിന്‍പോളിയും അജുവര്‍ഗ്ഗീസും ഒന്നിച്ച് അഭിനയിച്ച ചിത്രങ്ങളെല്ലാം ഹിറ്റാണ്. അതിന് കാരണം അവര്‍ തമ്മിലുള്ള സൗഹൃമാണെന്നാണ് അടുപ്പമുള്ളവര്‍ പറയുന്നത്. 2010ലെ മലര്‍വാടി ആര്‍ട്‌സ് ക്ലബ് മുതല്‍ തുടങ്ങിയതാണ് ഇവരുടെ സിനിമാ സൗഹൃദം.
സിനിമയില്‍ മാത്രമല്ല, ജീവിതത്തിലും ഇരുവരും 'കട്ട സുഹൃത്തു'ക്കളാണ്. സോഷ്യല്‍ മീഡിയയില്‍ സജീവമായ ഇരുവരും, അങ്ങോട്ടുമിങ്ങോട്ടും ട്രോളുന്നതു തന്നെയാണ് ആ സൗഹൃദം മനസ്സിലാക്കാവുന്ന ഏറ്റവും നല്ല ഉദാഹരണം.ഇപ്പോഴിതാ ഇന്‍സ്റ്റാഗ്രാമില്‍ നിവിന്റെ ഒരു ചിത്രം കിടിലന്‍ അടിക്കുറിപ്പോടെ പോസ്റ്റ് ചെയ്തിരിക്കുകയാണ് അജു. 'കായംകുളം കൊച്ചുണ്ണി' എന്ന ചിത്രത്തിന്റെ ഷൂട്ടിങ് ലൊക്കേഷനില്‍ ഇടവേളകളിലെപ്പോഴോ ഫോണ്‍ നോക്കുന്ന നിവിന്റെ ഫോട്ടോ തപ്പിയെടുത്ത് 'ഗൂഗിള്‍ നോക്കി രക്ഷപ്പെടാന്‍ ശ്രമിക്കുന്ന കൊച്ചുണ്ണി' എന്ന അടിക്കുറിപ്പോടെയാണ് അജു വര്‍ഗീസ് ചിത്രം പോസ്റ്റ് ചെയ്തിരിക്കുന്നത്.
അജു സുഹൃത്തിനു കൊടുത്ത പണിയായി, ചിത്രം സോഷ്യല്‍ മീഡിയയില്‍ വൈറലായിരിക്കുകയാണ്. അജുവിനെ ട്രോള്‍ ഗ്രൂപ്പിലെടുക്കാമെന്നതു തൊട്ട് കായംകുളം കൊച്ചുണ്ണിയില്‍ ഇത്തിക്കര പക്കിയാക്കാത്തതിലുള്ള ദേഷ്യമാകാം അജു ഇങ്ങനൊരു പണി കൊടുത്തതെന്നു വരെ ചിത്രത്തിനു താഴെ കമന്റുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
