സനല്‍കുമാര്‍ ശശിധരന്‍ സംവിധാനം ചെയ്ത ചിത്രം ചോലയിലെ പ്രമോ സോങ് പുറത്ത്. സിതാര കൃഷ്ണകുമാറും ഹരീഷ് ശിവരാമകൃഷ്ണനും ചേര്‍ന്ന് ആലപിച്ച അതിമനോഹര ഗാനം സോഷ്യല്‍ മീഡിയയില്‍ വൈറലാവുകയാണ്. വിന്‍ഡേജ് ലുക്കില്‍ ഇരുവരും വേദിയില്‍ നിന്ന് ആലപിക്കുന്നതാണ് ഗാനം. ബേസില്‍ സി ജെ എഴുതി സംഗീതം നല്‍കിയ ഗാനത്തിന് മികച്ച പ്രതികരണമാണ് ലഭിക്കുന്നത്.
നിമിഷ സജയനും ജോജു ജോര്‍ജുമാണ് ചിത്രത്തില്‍ പ്രധാന കഥാപാത്രങ്ങളായി എത്തുന്നത്. ഫേയ്‌സ്ബുക്ക് ഗ്രൂപ്പായ ജിഎന്‍പിസിയിലൂടെ ജോജുവാണ് ഗാനം പുറത്തുവിട്ടത്. ഡിസംബര്‍ ആറിനാണ് ചിത്രം തീയെറ്ററുകളില്‍ എത്തുന്നത്. നിമിഷ സജയന് മികച്ച നടിയ്ക്കുള്ള സംസ്ഥാന പുരസ്‌കാരവും ജോജുവിന് മികച്ച സഹനടനുള്ള അവാര്‍ഡും ചിത്രത്തിലെ പ്രകടനത്തിന് ലഭിച്ചിരുന്നു. കൂടാതെ വെനീസ് അന്താരാഷ്ട്ര ചലച്ചിത്രോത്സവത്തില്‍ റെഡ് കാര്‍പ്പറ്റ് വേള്‍ഡ് പ്രീമിയറില്‍ ചോല പ്രദര്‍ശിപ്പിച്ചിരുന്നു. ഡിസംബര്‍ ആറിനാണ് ചിത്രം തീയെറ്ററുകളില്‍ എത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
