പവർസ്റ്റാറിൽ ബാബു ആന്റണിക്കൊപ്പം ഇടിക്കാൻ ഒരു  ഹോളിവുഡ് സൂപ്പര്‍താരവും; പ്രഖ്യാപിച്ച് ഒമർ ലുലു

ഒമർ ലുലു സംവിധാനം ചെയ്യുന്ന ഏറ്റവും പുതിയ ചിത്രത്തിൽ ആക്ഷൻ രം​ഗങ്ങളിൽ അഭിനയിക്കാൻ ഹോളിവുഡ് നടനും. ബാബു ആന്റണിയെ കേന്ദ്ര കഥാപാത്രമാക്കി ഒരുക്കുന്ന പവർസ്റ്റാറിൽ ഹോളിവുഡ് താരം ലൂയിസ് മാൻഡിലോറും പ്രധാന വേഷത്തിലെത്തും എന്ന് ഒമർ അറിയിച്ചു. ഫേസ്ബുക്ക് പോസ്റ്റിലൂടെയാണ് സിനിമയെക്കുറിച്ചുള്ള വിശേഷങ്ങൾ പങ്കുവച്ചിരിക്കുന്നത്.

കുറിപ്പിന്റെ പൂർണരൂപം

POWERSTARൽ ഇടിക്കാൻ ഹോളിവുഡ്‌ സൂപ്പർ താരം Louise Mandylor ഉണ്ടായിരിക്കും.

ആക്ടർ,ഡയറക്ടർ,പ്രൊഡ്യൂസർ,കഥാകൃത്ത് തുടങ്ങിയ എല്ലാ മേഖലകളിലും കഴിവ് തെളിയിച്ച"LOUIS MANDYLOR" നമ്മുടെ "പവർ സ്റ്റാറി"ൽ ഒരു പ്രധാന കഥാപാത്രമായി മലയാളത്തിലേക്ക് അരങ്ങേറ്റം കുറിക്കുന്നു..
Rambo: Last Blood (2019) as Sheriff
I Almost Married a Serial Killer (2019)
The Mercenary (2020) as LeClerc
The Debt Collector 2 (2020) തുടങ്ങിയവയാണ് ലേറ്റസ്റ്റ് ചിത്രങ്ങൾ .....
Need all your support

ഹാപ്പി വെഡിങ്, ചങ്ക്‌സ്, ഒരു അടാർ ലവ്, ധമാക്ക എന്നീ സിനിമകൾക്ക് ശേഷം ഒമർ ലുലു ഒരുക്കുന്ന ചിത്രമാണ് പവർസ്റ്റാർ. നായിക ഇല്ല, പാട്ട് ഇല്ല, ഇടി മാത്രം എന്ന ടാഗ്​ലൈനുമായി എത്തുന്ന ചിത്രത്തിന്റെ തിരക്കഥയൊരുക്കുന്നത് ഡെന്നീസ് ജോസഫാണ്.