പുതിയ സിനിമ പ്രഖ്യാപിച്ച് അല്ലു അർജുൻ; 'ജനത ഗാരേജ്' സംവിധായകനൊപ്പം ബിഗ് ബജറ്റിൽ ബഹുഭാഷാ ചിത്രം 

'ജനതാ ഗാരേജി'ൻറെ സംവിധായകൻ കൊരട്ടല ശിവയുടെ പുതിയ ചിത്രത്തിൽ അല്ലു അർജുൻ നായകൻ. സിനിമയുടെ ആദ്യ പോസ്റ്റർ നടൻ തന്റെ ഇൻസ്റ്റ​ഗ്രാം പേജിലൂടെ പങ്കുവച്ചു. സുധാകർ മക്കിനേനിയും ഗീത ആർട്‍സും ചേർന്നാണ് നിർമ്മാണം. 

​​#AA21എന്നാണ് പോസ്റ്ററിൽ ചിത്രത്തിന്റെ പേരായി കുറിച്ചിരിക്കുന്നത്. ദുരെയുള്ള ഒരു ​ഗ്രാമത്തിലേക്ക് നോക്കിനിൽക്കുന്ന രണ്ട് യുവാക്കളെയാണ് പോസ്റ്ററിൽ കാണാൻ സാധിക്കുന്നത്. ബിഗ് ബജറ്റിൽ ബഹുഭാഷകളായി ഒരുങ്ങുന്ന ചിത്രത്തിൻറെ ഷൂട്ടിംഗ് അടുത്ത വർഷം ആരംഭിക്കും. 2022 ആദ്യം ചിത്രം റിലീസിനെത്തുമെന്നാണ് പ്രതീക്ഷ. സിനിമയെക്കുറിച്ചുള്ള മറ്റ് വിവരങ്ങളൊന്നും പുറത്തുവിട്ടിട്ടില്ല.