പൃഥ്വിക്ക് വേണ്ടി പാട്ടുപാടി ധനുഷ്; ബ്രദേഴ്‌സ് ഡേയിലെ കാത്തിരുന്ന പാട്ട് കാണാം

ആരാധകര്‍ ആകാക്ഷയോടെ കാത്തിരുന്ന പൃഥ്വിരാജ് ചിത്രം ബ്രദേഴ്‌സ് ഡേയിലെ ആ ഗാനം പുറത്തിറങ്ങി. തെന്നിന്ത്യന്‍ സൂപ്പര്‍ താരം ധനുഷ് പൃഥ്വിരാജിന് വേണ്ടി എഴുതി പാടിയ ഗാനമാണ് എത്തിയിരിക്കുന്നത്. 'നെഞ്ചോട് വിനാ' എന്ന് തുടങ്ങുന്ന ഗാനത്തിന്റെ ലിറികല്‍ വീഡിയേ അണിയറ പ്രവര്‍ത്തകര്‍ പുറത്തുവിട്ടു. 

ധനുഷ് എഴുതിയ വരികള്‍ക്ക് സംഗീതം പകര്‍ന്നിരിക്കുന്നത് ഫോര്‍ മ്യൂസിക്‌സ് ആണ്. ധനുഷിനൊപ്പം ഫോര്‍ മ്യൂസിക്‌സിലെ ബിബി മാത്യുവും ഗാനം ആലപിക്കുന്നുണ്ട്. നടന്‍ കലാഭവന്‍ ഷാജോണ്‍ സംവിധാനം ചെയ്യുന്ന ആദ്യ ചിത്രമായ ബ്രദേഴ്‌സ് ഡേയുടെ ട്രെയിലര്‍ ഹിറ്റായിരുന്നു.